வீட்டில் இருந்தே வேலை செய்தாலும், இந்த வேலைக்கு அதிக சம்பளமாம்..!

5. மூத்த வர்த்தக ஆய்வாளர் - $ 90,000 வரை

ஒரு நிறுவனம் எதிர்க்கொள்ளும் வர்த்தகச் சிக்கல்களுக்குத் தொழில்நுட்ப தீர்வுகளை முன்வைத்து, அந்த நிறுவனத்தின் வியாபாரத்தைமேம்படுத்துவதற்குப் பொறுப்பேற்கும் முத்த வர்த்தக ஆய்வாளர் வேலை இந்தப் பட்டியலின் கடைசி இடத்தில் இருக்கின்றது. ஒரு நிறுவனத்தின் விற்பனையை மேம்படுத்துவதற்காக அந்த நிறுவனத்தின் தேவைகளை வரையறுத்து, அதை ஆவணப்படுத்துவதன் மூலம், ஒரு நிறுவனத்தின் மிக முக்கியமான மற்றும் மூத்த பதவிக்கு வணிக ஆய்வாளர்கள் தகுதி பெறுகின்றாற்கள். இந்தக் குழுவினரின் வேலை தொலைத்தொடர்புகளைச் சார்ந்து இயங்குகின்றது. எனவே இவர்கள் உலகின் எங்கு இருந்து வேண்டுமானாலும் ஒரு நிறுவனத்திற்காகப் பணிபுரியலாம்.

4. பேக் எண்ட் வெப் டெவலப்பர் - $ 100,000

பேக் எண்ட் வெப் டெவெலப்பர்கள் பொதுவாக இணையச் சேவைகள் மற்றும் ஏபிஐ (அப்ளிகேஷன் புரோகிராம் இண்டர்பேஸ்) உருவாக்குகின்றார்கள். இவர்கள் உருவாக்கிய பேக் எண்ட் ஆனது இண்டர்நெட் மற்றும் மொபைல் ஆப்களில், பெரண்ட் எண்ட் டெவலப்பர்களால் பயன்படுத்தப்படுகின்றது. பெரண்ட் எண்ட் டெவலப்பர்க்ள் உருவாக்கியவற்றை மிகச் சிறப்பாக ஒருங்கிணைத்து பயனர்களின் அனுபவத்தை மேம்படுத்துவதே இவர்களின் முக்கிய வேலை.

 

3. திட்ட மேலாளர் $ 105,000 வரை

திட்ட மேலாளர்கள் நியமிக்கப்பட்ட திட்டம் அல்லது செயல்களின் செயல்திறன் மற்றும் முன்னேற்றத்திற்கான பொறுப்பாளிகள். ஒரு திட்டத்திற்காகப் பட்ஜெட்டை திட்டமிடுவதில் தொடங்கி அதனுடைய முன்னேற்றத்தை கண்காணிப்பதில் இருந்து, திட்டம் இறுதி கட்டத்தை எட்டுவதை உறுதி செய்வது வரை ஒரு திட்ட மேலாளர்களின் பணி. அதோடு திட்டத்தில் ஈடுபட்டுள்ள குழுவிற்கும், மேல் நிலை நிர்வாகக் குழுவிற்கும் ஒரு இணைப்புப் பாலமாகவும் திட்ட மேலாளர்கள் செயல்படுகின்றனர்.

2.ஆட்டோமேஷன் பொறியாளர் - $ 115,000 வரை

ஆட்டோமேஷன் பொறியாளர்கள் ஆட்டோமேஷன் திட்டத்தின் வடிவமைப்பு, நிரல், தூண்டுதல் மற்றும் தானியங்கு இயந்திரங்களின் சோதனை ஆகிய அனைத்தையும் மேற்கொள்ள வேண்டும். ஆட்டோமேஷன் திட்டமிட்ட பணிகளை முழுமையாக எளிமையான முறையில் செயல்முறைப்படுத்த உதவுகிறது. இந்தப் பொறியாளர்கள் FCMG இன் கார் அசெம்பிளிங் யூனிட் போன்ற உற்பத்தி ஆலைகளில் சிறப்புப் பணிக்கான ரோபோடிக் இயந்திரங்களைப் பயன்படுத்தும் இடத்தில் பணியமர்த்தப்படுகின்றனர். இந்தத் துறை வல்லுநர்கள் அலுவலகங்களில் வேலை செய்வதற்குப் பதிலாகக் கிளையண்ட் தளங்களைப் பார்வையிட வேண்டும். எனினும் இவர்கள் வீட்டில் இருந்த படியே வடிவமைப்பு போன்ற பணிகளைச் செய்யலாம். அதோடு அந்தப் பணிக்கான நிரல்களையும்/ எழுதலாம்.

1. தரமான பயனர் அனுபவம் ஆய்வாளர்- $ 120,000 வரை

ஒரு யூஎக்ஸ் ஆய்வாளர், தயாரிப்பு வடிவமைப்பு, மார்க்கெட்டிங், பிராண்ட் மூலோபாயம், போன்ற அனைத்து துறைகளிலும் நெருக்கமாகப் பணியாற்றுவார். மேலும் அவர் தயாரிப்புகளைப் பயனர் அனுபவத்தின் அடிப்படையில் மேம்படுத்த உதவுவார்.