ஏர் ஏசியாவின் பருவ கால அதிரடி சலுகை.. விமான பயணங்கள் 1,299 ரூபாய் முதல்!

சலுகை காலம்

2019 ஜனவரி 31-ம் தேதி வரையிலான விமானப் பயண டிக்கெட்களை 2018 ஜூலை 8-ம் தேதி வரை முன்பதிவு செய்து சலுகை விலையில் பெறலாம் என்று ஏர் ஏசியா இந்தியா அறிவித்துள்ளது.

சலுகை விலை டிக்கெட்கள் எங்குக் கிடைக்கும்

ஏர் ஏசியா இந்தியாவின் சலுகை விலை டிக்கெட்களானது airasia.com இணையதளம் மூலம் புக் செய்யும் போது கிடைக்கும். வார விடுமுறை நாட்களில் இந்தச் சலுகையில் டிக்கெட்கள் கிடைக்காது.

ரூ.1,299 சலுகை உள்ள வழித்தடங்கள்

பெங்களூரு - ஹைதராபாத், பெங்களூரு - கொச்சி வழித்தடங்களில் பயணம் செய்ய 1,299 ரூபாய் விமான டிக்கெட் என அறிவித்துள்ளனர்.

பிற வழித்தடங்கள்

ராஞ்சி - கொல்கத்தா செல்ல 1,599 ரூபாய் என்றும், புவனேஷ்வர் - கொல்கத்தா செல்ல 1,499 ரூபாய் என்றும் கோவா- ஹைதராபாத் செல்ல 1,999 ரூபாய் என்றும், கவுகாத்தி-இம்பால் செய்ய 1,399 ரூபாய் எனவும், புனே - பெங்களுரு செல்ல 2,099 ரூபாய் எனவும், ஸ்ரீநகர் - டெல்லி செல்ல 2,899 ரூபாய் என்றும், ஜெய்ப்பூர் - ஹைதராபாத் செல்ல 2,599 ரூபாய் என்றும், டெல்லி - பக்கோத்ரா செல்ல 3,299 ரூபாய் என்றும் விமான டிக்கெட்களை ஏர் ஏசியா இந்தியா அறிவித்துள்ளது.

மலேஷியா

ஏர் ஏசியா நிறுவனமானது மலேஷியா செல்லும் விமான டிக்கெட்களை 62 டாலருக்குப் பெறலாம் என்றும், ஞாயிற்றுக்கிழமை வரை சர்வதேச விமானப் பயணங்களுக்கு 20 சதவீத சலுகையினையும் அறிவித்துள்ளது.

போட்டி நிறுவனங்கள்

விஸ்தரா விமானப் போக்குவரத்து நிறுவனமானது 7 நாட்கள் முன்பே புக் செய்யப்படும் எக்கானமி வகுப்பு டிக்கெட்களுக்கு 50 சதவீத சலுகையினை அளித்து வருகிறது. இண்டிகோ நிறுவனம் விமான டிக்கெட்களை 1,999 ரூபாய் எனும் விலையில் விற்கிறது. ஜெட் ஏர்வேஸ் நிறுவனமானது உள்நாட்டுப் பயணங்களுக்கு 25 சதவீதம் வெளிநாடு பயணங்களுக்கு 30 சதவீதமும் அடிப்படை கட்டணத்தில் சலுகையினை வழங்கி வருகிறது.