வருவாய்

இன்போசிஸ் நிறுவனம் ஜூன் 30-ம் தேதியுடன் முடிவடைந்த முதல் காலாண்டில் செயல்பாடுகளில் இருந்து 19,128 கோடி ரூபாய், பிற வருவாயாக 726 கோடி ரூபாய் என மொத்தமாக 19,854 கோடி ரூபாயினை வருவாயாக ஈட்டியுள்ளது.

இதே காலாண்டில் சென்ற ஆண்டு இன்போசிஸ் நிறுவனம் 17,892 கோடி ரூபாய் வருவாய் எனப் பதிவு செய்து இருந்தது. 2018 மார்ச் 31-ம் தேதியுடன் முடிவடைந்த காலாண்டில் இன்போசிஸ் நிறுவனம் 18,735 கோடி ரூபாய் வருவாயினை ஈட்டி இருந்தது. 2017-2018 நிதி ஆண்டில் இன்போசிஸ் நிறுவனத்தின் மொத்த வருவாய் 73,833 கோடி ரூபாய் ஆகும்.

செலவுகள்

இன்போசிஸ் நிறுவனம் வருவாய் 19,854 கோடி ரூபாய் என்ற நிலையில் 14,651 கோடி ரூபாயினைச் செலவு செய்துள்ளது. இதுவே மார்ச் 31-ம் தேதியுடன் முடிவடைந்த காலாண்டில் இன்போசிஸ் 13,729 கோடி ரூபாயினைச் செலவு செய்து இருந்தது. சென்ற ஆண்டு இதே காலாண்டில் 12,967 கோஇ ரூபாயினைச் செலவு இது இருந்தது. வருவாய்க்கு ஏற்றவாறு செலவும் அதிகரித்துள்ளது.

நிகர லாபம்

வரி செலுத்துவதற்கு முன்பு இன்போசிஸ்-ன் ஜூன் காலாண்டு நிகர லாபமானது 4,993 கோடி ரூபாயாக உள்ளது. இதுவே சென்ற காலாண்டில் 5,006 கோடி ரூபாயாகவும், சென்ற ஆண்டு இதே காலாண்டில் 4.854 கோடி ரூபாயாகவும் பதிவு செய்து இருந்தது குறிப்பிடத்தக்கது. 2017-2018 நிதி ஆண்டில் இன்போசிஸ் நிறுவனம் மொத்தமாக 20,270 கோடி ரூபாயினை நிகர லாபமாகப் பெற்றுள்ளது.

பங்குகளின் வருவாய்

இன்போசிஸ் நிறுவனத்தின் 5 ரூபாய் மதிப்பிலான ஒரு பங்கின் வருவாய் 16.60 ரூபாய் ஆக உள்ளது. இதுவே சென்ற காலாண்டில் 16.97 ரூபாயாகவும், சென்ற ஆண்டு இதே காலாண்டில் 15.23 ரூபாயாகவும் இருந்தது. 2017-2018 நிதி ஆண்டில் 5 ரூபாய் மதிப்பிலான ஒரு பங்குக்கு 71 ரூபாய் வரை லாபம் கிடைத்துள்ளது.

போனஸ்

2018 ஜூலை 13-ம் தேதி இன்போசிஸ் போர்டு உறுப்பினர்கள் இடையிலான கூட்டத்தில் முதலீட்டாளர்களுக்கு 1:1 போனஸ் அளிப்பதாக முடிவு எடுத்துள்ளனர். எனவே அனைத்து முதலீட்டாளர்களின் பங்குகளும் இரட்டிப்பாக உள்ளது.

டிவிடண்ட்

மார்ச் மாத காலாண்டு முடிவில் டிவிடண்ட் அளிக்கப்பட்டு இருந்த நிலையில் 2018-ம் ஆண்டின் முதல் காலாண்டில் டிவிடண்ட் அளிக்கப்படவில்லை என்றால் போனஸ் பங்குகள் அளிக்கப்பட்டுள்ளது.

வருவாய் அளித்த வணிகங்கள்

நிதி சேவைகள், ரீடெயில், கம்யூனிகேஷன், எனர்ஜி, உற்பத்தி, லைப் சையின்ஸ் என அனைத்துத் துறை சார்ந்த வணிகங்களிலும் சென்ற காலாண்டும் ஒப்பிடும் போது கூடுதல் லாபத்தினைப் பதிவு செய்துள்ளது.

ஊழியர்கள் எண்ணிக்கை

இன்போசிஸ் நிறுவனத்தில் மொத்தமாக 2,09,905 ஊழியர்கள் உள்ள நிலையில் ஜூன் காலாண்டில் ஒவ்வொரு ஊழியரிடம் இருந்தும் சராசரியாக 54,900 டாலரினை வருவாயாகப் பெற்றுள்ளது. இதுவே சென்ற ஆண்டு 2,04,107 ஊழியர்கள் நிறுவனத்தில் பணிபுரிந்து வந்தனர்.

ஊழியர்கள் வெளியேற்றம்

எந்த ஓரு ஐடி நிறுவனத்திலும் இல்லாத அளவிற்கு இன்போசிஸ் நிறுவனத்தின் முக்கிய அதிகாரிகள் வெளியேறி வரும் நிலையில் ஊழியர்களிலும் 23 சதவீதம் வரை வெளியேறியுள்ளனர். இதுவே என்ற நிதி ஆண்டில் 19.5 சதவீதமும், சென்ற ஆண்டு இதே காலாண்டில் 21 சதவீதமாகவும் ஊழியர்கள் வெளியேற்றம் இருந்தது.