2018-2019-ம் நிதி ஆண்டின் ஜூன் மாதத்துடன் முடிவடைந்த முதல் காலாண்டு அறிக்கையினை வெளியிட்ட விப்ரோ நிறுவனத்தின் நிகர லாபம் சென்ற வருடத்துடன் ஒப்பிடும் போது 5.16 சதவீதம் என 1,922.20 கோடி ரூபாயாகச் சரிந்துள்ளது.
2017-2018 நிதி ஆண்டின் முதல் காலாண்டில் விப்ரோ 2,026.80 கோடி ரூபாய் நிகர லாபம் அடைந்திருந்தது.
வருவாய்
அதே நேரம் சென்ற ஆண்டின் முதல் காலாண்டு 11,791.40 கோடி ரூபாய் வருவாயினை விப்ரோ ஈட்டியிருந்த நிலையில் 2018-2019 நிதி ஆண்டில் 12,157.20 கோடி ரூபாய் வருவாயினைப் பெற்றுள்ளது.
டாலர் வருவாய்
விப்ரோ நிறுவனத்தின் டாலர் வருவாய் 2 பில்லியன் டாலராக உள்ளது. ஐடி சேவைகளின் மூலமாக மட்டும் 137 பில்லியன் ரூபாயினை வருவாயாக ஈட்டியுள்ளது.
பங்குகள் அளித்த லாபம்
விப்ரோ நிறுவனத்தின் பங்குகள் ஒவ்வொன்றுக்கு 4.71 ரூபாய் லாபம் கிடைத்துள்ளது.
ஊழியர்கள் எண்ணிக்கை
விப்ரோ நிறுவனத்தில் ஜூன் மாதத்துடன் முடிவடைந்த முதல் காலாண்டு வரை 1,64,659 ஊழியர்கள் பணியாற்றி வருகிறனர்.