அனுமதி

வருமான வரிச் சட்டம் 139(4)-ன் கீழ் வரி செலுத்தினர் அளிக்கப்பட்ட தேதிக்குள் வரி தாக்கல் செய்யவில்லை என்றால் அதன் பின்பும் தாக்கல் செய்ய அனுமதிக்கப்படுகின்றனர் எனவே 2019 மார்ச் 31-ம் தேதி வரை 2017-2018 நிதி ஆண்டு அல்லது 2018-2019 மதிப்பீட்டு ஆண்டுக்கான வரியினைத் தாக்கல் செய்யலாம்.

அபராதம் கட்டாயம்

அதே நேரம் அபராதமும், அதற்கான வட்டி போன்றவற்றைச் செலுத்தாமல் வருமான வரியைத் தாக்கல் செய்ய முடியாது என்பது குறிப்பிடத்தக்கது.

அபராதம் எவ்வளவு?

வருமான வரியினைத் தாமதமாக 2018 ஆகஸ்ட் 31-ம் தேதிக்குள் செய்யும் போது 5,000 ரூபாய் வரை அபராதம் செலுத்த நேரிடும். அப்போது செய்யத் தவறினால் 10,000 ரூபாய் வரை அபராதம் செலுத்த வேண்டும்.

விலக்கு

இதுவே தாமதமாக வரி செலுத்திய நபரின் ஆண்டு வருவாய் 5 லட்சத்திற்கும் குறைவாக இருக்கும் போது அபராத தொகை அதிகபட்சமாக 1,000 ரூபாய்ச் செலுத்தினால் மட்டும் போதுமானது. ஆனால் வரி தாக்கல் செய்யும் முன்பு இந்த அபராத தொகையினைக் கண்டிப்பாகச் செலுத்த வேண்டும் என்பதை நினைவில் கொள்க.