பெட்ரோல் விலை மீண்டும் உயர்வு.. மும்பையில் 90 ரூபாயை தொட்டது!

மக்கள் எதிர்பார்ப்பு

தொடர்ந்து பெட்ரோல் மற்றும் டீசல் விலை கடந்த சில மாதங்களாக உயர்ந்து வரும் நிலையில் மத்திய அரசு இதில் தலையிட்டு கட்டுக்குள் கொண்டு வர வேண்டும் என்று கோரிக்கை வைத்து வருகின்றனர்.

சாமானிய மக்கள் பாதிப்பு

பெட்ரோல் மற்றும் டீசல் விலை உயர்வால் பொது மக்கள் தான் அதிகளவில் பாதிக்கப்பட்டு வருகிறார்கள். பெட்ரோல் விலை உயர்வினால் பொருட்களைக் கொண்டு செல்லும் செலவுகள் அதிகரித்துள்ளதால் அத்தியாவசிய பொருட்கள் விலையும் உயர்ந்துள்ளது. இதனால் பணவீக்கம் அதிகரிக்கும் அபாயமும் உள்ளது.

 

பெட்ரோல் விலை குறைந்த மாநிலங்கள்

மத்திய அரசு பெட்ரோல் மற்றும் டீசல் மீதான வரியை குறைக்க முன்வராத நிலையில் ராஜஸ்தான், கர்நாடகா, ஆந்திர பிரதேசம் உள்ளிட்ட சில மாநிலங்கள் மற்றும் 2.5 ரூபாய் வரை விலை குறைத்துள்ளன.

கச்சா எண்ணெய் விலை நிலவரம்

சர்வதேச சந்தையில் கச்சா எண்ணெய் விலை தொடர்ந்து உயர்ந்து வந்த நிலையில் இன்று பிரெண்ட் கச்சா எண்ணெய் விலை 0.05 சதவீதம் குறைந்து 78.05 டாலர் பேரல் என்றும், WTI கச்சா எண்ணெய் விலை 0.12 சதவீதம் சரிந்து 68.91 டாலர் பேரல் என்றும் விற்பனை செய்யப்பட்டு வருகிறது.