எதில் முதலீடு

விஜய் சேகர் சர்மாவின் ஒன் 97 கம்யூனிகேஷனில் தான் முதலீடு செய்கிறார். பேடிஎம் என்றால் பளிச்செனப் புரியும். கடந்த மூன்று மாதங்களாகவே சுமார் 2,500 கோடி ரூபாயை, இந்திய நிறுவனம் ஒன்றில் முதலீடு செய்வது குறித்து பேசி வந்த பெர்க்‌ஷேர் ஹதவே (Berkshire Hathaway), இப்போது பேடிஎம்-ன் தாய் நிறுவனமான ஒன் 97 கம்யூனிகேஷன்ஸில் முதலீடு செய்வதை உறுதி செய்திருக்கிறது.

எவ்வளவு முதலீடு

300 மில்லியன் அமெரிக்க டாலர் தொகையை பெர்க் ஷேர் ஹதவே நிறுவனம், ஒன் 97 கம்யூனிகேஷன்ளில் முதலீடு செய்கிறது. இது சுமாராக இந்திய மதிப்பில் 2,250 கோடி ரூபாய். இந்த முதலீட்டுத் தொகையை பெர்க்‌ஷேர் ஹதவே நிறுவனமும் இந்திய நிறுவன பதிவாளர்களிடம் (Registrar of Companies) தெரிவித்திருக்கிறது.

எப்படி முதலீடு செய்கிறார்கள்

ஒன் 97 கம்யூனிகேஷன் நிறுவனத்தின் 1.7 மில்லியன் ஈக்விட்டி பங்குகளை வாங்கி முதலீடு செய்கிறது. ஒரு பங்கின் விலை 176.18 அமெரிக்க டாலர் என்று 17,02,713 பங்குகளை, மொத்தமாக 300 மில்லியன் டாலர் கொடுத்து வாங்க இருக்கிறது பெர்க்‌ஷேர் ஹதவே.

என்ன லாபம்

ஒன் 97 கம்யூனிகேஷன்ஸ்-ன் மதிப்பீடு இந்த 300 பில்லியன் டாலர் மதிப்பீட்டுக்குக் பிறகு 10 பில்லியன் டாலராக அதிகரித்திருக்கிறது. இதற்கு முன் இந்த நிறுவனத்தின் மதிப்பீடு வெறும் 7 பில்லியன் டாலராக மட்டுமே இருந்தது.

மதிப்பீடு என்றால்

சுருக்கமாக இன்று ஒன் 97 கம்யூனிகேஷனை வாங்க வேண்டும் என்றால் 10 பில்லியன் டாலர் அல்லது அதற்கு மேற்பட்ட தொகையைக் கொடுத்து தான் வாங்க வேண்டி இருக்கும். இது தான் மதிப்பீடு. இதில் அந்த நிறுவனத்தின் சொத்துக்கள், கடன்கள், இருக்கும் வாடிக்கையாளர்கள் என்று அனைத்தையும் கணக்கில் எடுத்துக் கொண்டு தான் இந்த மதிப்பீட்டைச் சொல்வார்கள்.

தல இருந்தாரா

வாரன் பஃபெட் இந்த டீலில் இடம் பெறவில்லை. பெர்க்‌ஷேர் ஹதவே நிறுவனம் சார்பாக Debbie Bosanek தலைமையிலான குழுவும், ஒன் 97 கம்யூனிகேஷன் சார்பாக விஜய் சேகர் சர்மா தலைமையிலான குழு மட்டுமே சந்தித்து இந்த டீலை முடித்திருக்கிறார்கள்.

யாரெல்லாம் பங்குதாரர்கள்

அலிபாபா, சாஃப்ட் பேங்க், எஸ்.ஏ.ஐ.எஃப் பார்ட்னர்ஸ் போன்ற நிறுவனங்களைத் தொடர்ந்து தற்போது பெர்க்‌ஷேர் ஹதவேயும் நான்காவது பெரிய முதலீட்டாளராக சேர்ந்திருக்கிறது. கடைய்சாக சாஃப்ட் பேங்கிடம் தான் நம் பேடிஎம் முதலீடுகளைப் பெற்றது குறிப்பிடத்தக்கது.