ஒரு நாளுக்கு ஒரு ஜிபி டேட்டா காலி - கன்ஃபார்ம் செய்யும் நீல்சன் இந்தியா..!

மாதம் ஒன்றுக்கு

கடந்த ஐந்து வருடங்களில் இந்தியா கண்ட ஸ்மார்ட் ஃபோன் வளர்ச்சியால், இணையப் பயன்பாடும் அதிகரித்து வருகிறது. குறிப்பாக செப்டம்பர் 2016-ல் ஜியோ அறிமுகப்படுத்தப்பட்ட பிறகு இந்த பயன்பாடு எண்ணிக்கை தொடர்ந்து அதிகரித்த வண்ணமே இருக்கின்றன. 2016 - 17 ஆண்டுகளில் மாதம் ஒன்றுக்கு இந்தியர்கள் சராசரியாக 7.4 ஜீபி டேட்டாவைப் பயன்படுத்தி வந்தார்கள். மொத்த மாதத்துக்கே.

இன்று

இன்று இந்தியாவில் நாள் ஒன்றுக்கு 1 ஜிபி டேட்டாவை அசால்ட்டாக தீர்த்துக் கட்டுகிறார்கள் நம்மவர்கள். அதோடு நாள் ஒன்றுக்கு 90 - 130 நிமிடங்கள் மேல் ஆன்லைனில் இருக்கிறார்கள் என்றும் நீல்சன் இந்தியா கணித்திருக்கிறது. இதில் சாதாரண குறுஞ்செய்தி அனுப்புவது தொடங்கி, ஆன்லைன் ஸ்ட்ரீமிங் வீடியோ காண்பது வரை அடக்கம்.

ஏன் இந்த வளர்ச்சி

இந்தியா இன்று ஸ்மார்ட்ஃபோன்களின் சரியான சந்தையாகி இருக்கிறது. இந்தியாவில் ஸ்மார்ட்ஃபோன்களை மக்கள் வாங்கும் விலைக்கு விற்பது மிகப் பெரிய விஷயம் என்றும் குறிப்பிட்டிருக்கிறது நீல்சன். அதோடு டெலிகாம் நிறுவன டேட்டா திட்டங்களும் செல்ஃபோன்களைப் போலவே விலை குறைவாகக் கிடைப்பதும் இதற்கு ஒரு முக்கியக் காரணம் என்று சொல்கிறது.

எதை அதிகம் பயன்படுத்துகிறார்கள்

இந்தியர்கள் பிரவுசர்களுக்குப் பின், சாட் மற்றும் விஓஐபி ரக ஆப்களை அதிகம் பயன்படுத்துகிறார்களாம். இதை எல்லாம் விட யூடாரன்டை பெரும்பாலான இந்தியர்கள் பயன்படுத்தி அதற்கு முதல் இடம் கொடுத்திருக்கிறார்களாம். சுருக்கமாக ஃபேஸ்புக், வாட்ஸப், இன்ஸ்டாகிராம், கூகுள் குரோம் போன்ற அப்ளிகேஷன்களை அதிகம் பயன்படுத்துகிறார்கள்.

ரூ 5000 இந்தியாவின் சராசரி

சராசரியாக ஒரு இந்தியன் ஸ்மார்டோனுக்காக 5000 ரூபாய் வரை செலவழிக்கிறான். இந்த தொகையினை அடிப்படையாக வைத்துத் தான் அனைத்து செல்போன் தயாரிப்பு நிறுவனங்களும் தங்கள் ஸ்மார்ட்ஃபோன்களை வடிவமைத்து விலை நிர்ணயிக்கின்றன. எனவே இன்னும் இந்தியாவில் ஸ்மார்ட்ஃபோன் பிக் அப் ஆகாத இடங்களையும் கைப்பற்ற செல்போன் தயாரிப்பு நிறுவனங்கள் போராடி வருகிறது.

இன்னும் புதிய கஸ்டமர்கள்

இன்னும் இந்தியாவில் அதிகம் ஸ்மார்ட்ஃபோன்களைப் பயன்படுத்தாத மக்கள் இருக்கிறார்கள் எனவே இந்த எண்ணிக்கை எல்லாம் வரும் காலங்களில் இன்னும் நிச்சயமாக அதிகரிக்கும் என்று நீல்சன் கணித்திருக்கிறது.