மத்திய அரசு செய்துள்ள பல புதிய மாற்றங்கள் இன்று முதல் அமலுக்கு வந்துள்ளது. அதில் முக்கியமான ஒன்று அக்டோபர் - டிசம்பர் காலாண்டுக்கான சிறு சேமிப்புத் திட்டங்கள் மீதான வட்டி விகித உயர்வாகும்.

சிறு சேமிப்புத் திட்டங்கள் அஞ்சல் அலுவலகங்கள் மற்றும் சில வங்கி நிறுவனங்களில் மட்டும் கிடைத்து வருகிறது.

மத்திய நிதி அமைச்சகம் செப்டம்பர்19-ம் தேதி அக்டோபர் - டிசம்பர் காலாண்டுக்கான சிறு சேமிப்புத் திட்டங்கள் மீதான வட்டி விகிதத்தினை 0.30 முதல் 0.40 சதவீதம் வரை உயர்த்தி அறிவித்தது.

இதனால் பொது வருங்கால வைப்பு நிதி, சுகன்யா சம்ரிதி யோஜனா, தேசிய சேமிப்புப் பத்திரம் மற்றும் பிற அஞ்சல் அலுவலகச் சேமிப்புத் திட்டங்கள் மீதான வட்டி விகிதம் உயர்ந்துள்ளது.