இந்தியாவில் தொடர்ந்து ஏறி வரும் பெட்ரோல் மற்றும் டீசல் விலை உயர்வு, வங்கிகளின் வட்டி விகித உயர்வு போன்ற காரணங்களால் ஆகஸ்ட் மாத தொழிற்சாலை உற்பத்தி 4.3 சதவீதமாகச் சரிந்துள்ளது.
இதுவே 2017-ம் ஆண்டு ஆகஸ்ட் மாதம் இந்தியாவின் தொழிற்துறை வளர்ச்சி 4.3 சதவீதமாக இருந்தது. சுரங்க தொழில் வளர்ச்சி சென்ற ஆண்டுடன் ஒப்பிடும்போது 0.4 சதவீதம் சரிந்துள்ளது. இதுவே சென்ற ஆண்டு 9.3 சதவீதம் அதிகரித்து இருந்தது.
உற்பத்தித் துறை வளர்ச்சி சென்ற ஆண்டு 3.8 சதவீதமாக இருந்த நிலையில் இந்த ஆண்டு ஆகஸ்ட் மாதம் 4.6 சதவீதமாக அதிகரித்துள்ளது.
மின்சார உற்பத்தி வளர்ச்சி சென்ற ஆண்டு 8.3 சதவீதமாக இருந்த நிலையில் இந்த ஆண்டு 7.8 சதவீதமாகச் சரிந்துள்ளது.
மொத்தம் உள்ள 23 தொழில் துறையில் ஆகஸ்ட் மாதம் 16 துறைகள் வளர்ச்சி பெற்றுள்ளன. ஃபர்னிச்சர், அப்பேரல், பொன்றத் துறைகள் வளர்ச்சி அடைந்த நேரம் ஊடகம், கணினி, எலக்ட்ரானிக்ஸ் உள்ளிட்ட துறைகள் நட்டத்தினை அளித்துள்ளன.
கட்டுமான துறை பொருட்கள் உற்பத்தி 7.8 சதவீதமும், நுகர்வோர் சாதனங்கள் உற்பத்தி 5.2 சதவீதமும் ஆகஸ்ட் மாதம் வளர்ச்சி அடைந்துள்ளன.