கூகுள் நிறுவனத்தின் இந்திய பிரிவு இணையத் தேடல் மற்றும் பிராந்திய மொழிகளில் விளம்பரம் செய்வதன் மூலம் 2017-2018 நிதி ஆண்டில் அதன் வருவாய் 29 சதவீதம் வரை உயர்ந்துள்ளதாக அறிவித்துள்ளது.
கூகுள் இந்தியாவின் மொத்த வருவாயில் 69 சதவீதம் விளம்பரத்தில் இருந்து மட்டுமே வந்துள்ளதாகவும் குறிப்பிட்டுள்ளனர்.
வருவாய்
2017-2018 நிதி ஆண்டில் கூகுள் நிறுவனத்தின் வருவாய் 9,337.7 கோடி ரூபாயாக உள்ளது. இதுவே 2016-2017 நிதி ஆண்டில் 7,239.5 கோடி ரூபாயாக இருந்தது என்றும் தெரிவித்துள்ளது. இந்த 2017-2018 நிதி ஆண்டின் வருவாய் வளர்ச்சியானது 2016-2017 நிதி ஆண்டினை விட 22 சதவீதம் அதிகமாகும்.
2013-2014 நிதி ஆண்டுகளை விடக் கூகுள் நிறுவனத்தின் இந்திய வருவாய் மூன்று மடங்கு உயர்ந்துள்ளது என்று ஆய்வு நிறுவனங்கள் கூறுகின்றன.
லாபம்
கூகுள் நிறுவனத்தின் நிகர லாபம் 306.6 கோடி ரூபாயிலிருந்து 33 சதவீதம் அதிகரித்து 407.2 கோடி ரூபாயாக உள்ளது.
செலவு
வருவாய் அதிகரித்த அதே நேரம் கூகுள் இந்தியாவின் செலவு 29 சதவீதம் வரை அதிகரித்துள்ளது. 2016-2017 நிதி ஆண்டில் 6,760.4 கோடி ரூபாய் செலவு செய்த கூகுள் இந்தியா 2017-2018 நிதி ஆண்டில் 8,710.9 கோடி ரூபாயினைச் செலவு செய்துள்ளது.
கவனம்
கூகுள் நிறுவனம் இந்தியாவில் ஆங்கிலம் மற்றும் இந்தி தெரியாத பிற பயனர்களை ஈர்க்க வேண்டும் எண்ணத்தில் இந்தியாவின் பிற பிராந்திய மொழிகளின் சேவைகளில் கவனம் செலுத்தி வருகிறது.
தமிழ்
கூகுள் நிறுவனம் தற்போது தமிழ், வாங்கலாம் மற்றும் இந்தி ஆகிய மொழிகளில் தங்களது விளம்பர சேவையினை அளித்து வருகிறது. அது மட்டும் இல்லாமல் பிற மொழிகளில் விளம்பர சேவை விரைவில் கிடைக்கும் என்றும் தெரிவித்துள்ளனர்.