இந்தியாவின் மொத்த விலை குறியீடு அடிப்படையிலான பணவீக்கம் 2018 செப்டம்பர் மாதம் 5.13 சதவீதமாக அதிகரித்துள்ளது. இதுவே ஆகஸ்ட் மாதம் 4.53 சதவீதமாக இருந்தது.
ஆகஸ்ட் மாதம் உணவுப் பொருட்கள் மீதான மொத்த விலை பணவீக்கம் 2.25 சரிந்து இருந்தது. இதுவே செப்டம்பர் மாதம் 0.14 சதவீதம் அதிகரித்துள்ளது. அத்தியாவசிய தேவைப் பொருட்கள் மீதான பணவீக்கமும் 2.97 சதவீதம் அதிகரித்துள்ளது.
உணவு அல்லாத பொருட்கள் மீதான மொத்த விலை குறியீடும் 2018 செப்டம்பர் மாதம் 4.17 சதவீதமாக அதிகரித்துள்ளது. 2018 ஆகஸ்ட் மாதம் 3.48 சதவீதமாக இருந்தது.
எரிபொருள் மற்றும் மின்சாரம் மீதான பணவீக்கம் 16.55 சதவீதமாக உள்ளதாகவும், ஆகஸ்ட் மாதம் 17.73 சதவீதமாக இருந்ததாகவும் அரசு வெளியிட்டுள்ள தரவுகள் கூறுகின்றன.
மொத்த விலை குறியீட்டில் காய்கறி விலை குறைந்து இருந்தாலும் பெட்ரோல் மற்றும் டீசல் விலை உயர்வால் பாதிக்கப்பட்டுள்ளது என்று வல்லுநர்கள் கூறுகின்றனர்.
செப்டம்பர் மாத சில்லறை பணவீக்கமும் 3.77 சதவீதமாக அதிகரித்துள்ளது, இதுவே ஆகஸ்ட் மாதம் 3.69 சதவீதமாக இருந்தது.