பிம் யூபிஐ

பிம் யூபிஐ செயலி மூலம் ஒரு கணக்கில் இருந்து மற்றோறு கணக்கிற்கு எளிதாக நொடிகளில் பணத்தினை டிரான்ஸ்ஃபர் செய்ய முடியும். அதற்குத் தேவையானது கையில் ஸ்மார்ட்போன், அதில் பிம் செயலி மற்றும் வங்கி கணக்குடன் தொடர்புகொள்ள இணையதளம். பரிவர்த்தனை செய்யும் போது பணம் அனுப்ப வேண்டிய நபரின் மொபைல் எண் மற்றும் பின் எண்ணை அளித்தாலே பரிவர்த்தனை நடந்துவிடும். அது மட்டும் இல்லாமல் வங்கி கணக்குகளை உள்ளிட்டு ஐஎம்பிஎஸ் முறையிலும் பிம் செயலியில் பணத்தினை அனுப்ப முடியும்.

ரூபே

மாஸ்டர் மற்றும் விசா போன்ற வெளிநாட்டு கார்டு பரிவர்த்தனைகளுக்குப் போட்டியாக முழுமையாக இந்தியாவிலேயே உருவாக்கப்பட்ட கார்டு ரூபே கார்டு முறை. ரூபே கார்டில் பரிவர்த்தனை செய்யும் போது மாஸ்டர் மற்றும் விசா கார்டுகளை விட வங்கிகளுக்குச் செலவு குறைவு என்பதால் வங்கிகள் தற்போது அடிப்படை டெபிட் கார்டுகளாக ரூபே கார்டுகளைத் தான் வழங்குகின்றன.

அது மட்டும் இல்லாமல் விரைவில் கிரெடிட் கார்டுகளும் ரூபே கீழ் வழங்கப்பட உள்ளது மாஸ்டர் மற்றும் விசா கார்டு நிறுவனங்களுக்குத் தலைவலியாக மாறியுள்ளது.

மொத்த டிஜிட்டல் பரிவர்த்தனைகள்

2018 ஏப்ரல் முதல் அக்டோபர் மாதம் வரையில் டெபிட் + கிரெடிட் + பிரீபெய்டு + பிம் யூபிஐ கார்டுகள் மூலம் 628.99 கோடி டிஜிட்டல் பரிவர்த்தனைகள் நடைபெற்றுள்ளது. அவற்றின் மதிப்பு 18,42,86.42 கோடி ரூபாய் ஆகும்.

பிம் யூபிஐ

பிம் யூபிஐ செயலியில் நடப்பு நிதி ஆண்டின் அரையிறுதி வரை 298.99 கோடி பரிவர்த்தனைகள் நடைபெற்றுள்ளது. அவற்றின் மதிப்பு 11,72,686.42 கோடி ரூபாய் ஆகும்.

ரூபே (டெபிட்+கிரெடிட்+ப்ரீபெய்டு)

ரூபே கார்டுகள் மூலமாக 76.47 கோடி பரிவர்த்தனைகள் இந்த நிதி ஆண்டில் அக்டோபர் மாதம் வரை நடைபெற்றுள்ளது. அவற்றின் பதிப்பு 72,951.96 கோடி ரூபாய் ஆகும்.

பிம் + ரூபே

பிம் மற்றும் ரூபே கார்டுகளைப் பயன்படுத்தி 375.46 கோடி பரிவர்த்தனை நடைபெற்றுள்ளது. இவற்றின் மதிப்பு 12,45,638.38 கோடி ரூபாய் ஆகும்.

சந்தை மதிப்பு

பிம் + ரூபே கார்டுகளின் பரிவர்த்தனை சந்தை மதிப்பு என்று பார்த்தால் 60 சதவீதமாக உள்ளது. இதுவே செய்யப்பட்ட தொகையினை வைத்துக் கணக்கிட்டால் 67.60 சதவீதம் டிஜிட்டல் பரிமாற்றம் நடைபெற்றுள்ளது.