இந்தியாவில் அமேஸானை காலி செய்து அம்பானி வளர்ந்து கொண்டிருக்கிறார். ஆனால் அமெரிக்காவில் அமேஸானை வீழ்த்துவது நடக்காத காரியம் என வால்மார்ட் கூகுளிடமே சொல்லி தன் பிசினஸ் ஒப்பந்தங்களை முறித்துக் கொண்டது.
கூகுள் திட்டம்
கூகுள் நிறுவனத்தின் சர்ச் என்ஜினில் ஒரு பொருளை தேடும் போது, அந்த பொருளை விற்கக் கூடிய சில்லறை வணிகர்களின் வலைதளத்தை மேலே கொண்டு வரச் செய்து நேரடியாக பிசினஸ் பிடித்துக் கொடுப்பேன் என்றது. இந்த திட்டத்துக்கு கூகுள் ஷாப்பிங் ஆக்ஷன் (Google Shopping Action) என்றது.
கூட்டாளி
இதற்கு உலகின் மிகப் பெரிய சில்லறை வணிக நிறுவனமான வால்மார்ட் மற்றும் டார்கெட் கார்ப் உடன் கூகுள் ஒப்பந்தம் செய்து கொண்டது. இதன் படி வால்மார்ட் நிறுவனத்தின் கிடைக்கும் பொருட்களை ஒருவர் ஆன்லைனில் தேடுகிறார் என்றால் அவருக்கு முதல் வலைதளமாக வால்மார்ட் நிறுவனத்தின் ஆன்லைன் ஷாப்பிங்கைக் காட்டும். அதன் மூலம் விற்கப்படும் பொருட்களுக்கு கூகுள் நிறுவனம் ஒரு குறிப்பிட்ட சதவிகிதஹ்தை கமிஷனாக எடுத்துக் கொள்ளும்.
கூகுள் எக்ஸ்பிரஸ்
கூகுள் மூலம் வால்மார்ட் வலைதளத்தில் பொருட்களை ஆர்டர் செய்யும் நபர்களுக்கு கூகுள் எக்ஸ்பிரஸ் நிறுவனமே டெலிவரியும் செய்துவிடும். இந்த திட்டத்தை அமேஸானின் வளர்ச்சியை மனதில் வைத்துக் கொண்டு தான் செய்தது கூகுள். ஆனால் வேலைக்கு ஆகவில்லை.
வால்மார்ட் கருத்து
நாங்கள் எதிர்பார்த்த அளவுக்கு கூகுள் ஷாப்பிங் ஆக்ஷன் மூலம் வாடிக்கையாளர்கள் கிடைக்கவில்லை. தவிர எங்களிடமே டெலிவரி வசதிகளும் இருப்பதால் நாங்கள் கூகுள் ஷாப்பிங் ஆக்ஷன் மற்றும் கூகுள் எக்ஸ்பிரஸ் ஆகிய இரண்டு திட்டங்களில் இருந்து விலகிக் கொள்கிறோம் என ஒப்பந்தத்தை முறித்துக் கொண்டார்களாம்.
கூகுள் பதில்
இதைப் பற்றிப் பத்திரிகைகள் கேட்ட போது கூகுள் சமாளித்துவிட்டதாம். எங்களிடம் நைக், பெஸ்ட் பை, செஃபோரா போன்ற நூற்றுக்கும் மேற்பட்ட நிறுவனங்கள் இன்னும் வேலை செய்து கொண்டு தான் இருக்கிறார்கள் என பதிலளித்திருக்கிறார்களாம்.
வால்மார்ட் கருத்து
கூகுள் நிறுவனத்துடனான உறவும், பிசினஸ் விரிவாக்கத் திட்டங்களும் தொடர்ந்து கொண்டு தான் இருக்கிறது எனச் சொன்ன வால்மார்ட், கூகுள் ஷாப்பிங் ஆக்ஷன் மற்றும் கூகுள் எக்ஸ்பிரஸ் திட்டங்களைக் குறித்துப் பேசவில்லை. சொல்லி வைத்தாற் போல கூகுள் அதிகாரிகள் வட்டத்திலும் இதே பதிலைத் தான் சொல்கிறார்களாம்.