நான் கெளம்புறேன்

கடந்த 2018-ல் அமெரிக்கா சீனா வுடனான வர்த்தகப் போரில் சீனா ஹார்லி டேவிசன் பைக்குகளுக்கு சகட்டு மேனிக்கு வரிகளை அதிகரித்தது. அதனால் சீனாவுக்கான வியாபாரம் பெரிய அளவில் பாதிக்கப்பட்டது. இதை சமாளிக்க தன் பைக்கு உற்பத்தி ஆலைகளை வேறு நாடுகளுக்கு மாற்ற முனைந்தது. இதனால் அமெரிக்க அரசுக்கும் ஹார்லி டேவிட்சன் நிறுவனத்துக்கும் வாக்குவாதம் தொடங்கியது.

டிரம்பு தவிர

டிரம்பின் வர்த்தகப் போர் பிரச்னை தவிர அமெரிக்காவிலேயே ஹார்லி டேவிட்சன் பைக்குகள் விற்பானி 10% சரிந்திருக்கிறது. இப்படி விற்பனை சரிவது இது எட்டாவது காலாண்டு. ஆம் எட்டு காலாண்டுகளாக ஹார்லி பைக்குகள் அமெரிக்காவிலேயே சரியாக விற்பனை ஆவதில்லை.

ஆடை அணிகலன்களில் கவனம்

அமெரிக்க இளசுகளின் மனதைக் கவரும் கனவு பைக்குகளை உருவாக்கும் அதே நேரத்தில், குறைந்த விலையில் தரமான ப்ரீமியம் பைக்குகளை தயாரிப்பது, பைக்கர்கள் பயன்படுத்தும் மற்ற சாதனங்களை உற்பத்தி செய்து அமேஸானில் விற்பது என பல திட்டங்களை வைத்திருக்கிறார் ஹார்லி டேவிட்சன் நிறுவனத்தின் முதன்மை செயல் அதிகாரி மேட் லெவாடிச் (Matt Levatich).

டிமாண்ட் சரிவு

ஐரோப்பா மற்றும் ஆசியா ஆகிய் பகுதிகளிலேயே தொடர்ந்து ஹார்லி டேவிட்சன் பைக்குகளுக்கான டிமாண்ட் சரிந்து வருகிறதாம். உலக அலவில் ஹார்லி டேவிட்சன் பைக்குகளின் விற்பனை 6.7% சரிந்திருக்கிறதாம். 2027-ம் ஆண்டுகுள் ஹார்லி டேவிட்சன்-ன் மொத்த விற்பனையில் 50% வெளிநாடுகளில் இருந்து வரும் படி செய்ய இருக்கிறார்களாம்.

இந்த ஆண்டில்

அமெரிக்க வர்த்தகப் போருக்குப் பின், ஹார்லி டேவிட்சன் ஒரு புதிய உற்பத்தி ஆலையை தாய் லாந்தில் தொடங்கி இருக்கிறார்கள். இதனால் கொஞ்சம் நிலைமை சரி வரும் என்கிறார்கள். இதனால் ஆண்டுக்கு 100 மில்லியன் டாலர் செலுத்தி வந்த ஹார்லி டேவிட்சன் வர்த்தகப் போருக்குப் பின் 120 மில்லியன் டாலர் செலுத்த வேண்டி வந்தது. தாய்லாந்து ஆலையில் உற்பத்தி தொடங்கினால் இந்த 120 மில்லியன் மீண்டும் பழைய படிக்கு 100 மில்லியனுக்கோ அல்லது அதை விட குறைவாகவோ இறங்கும் என நம்பிக்கை தெரிவிக்கிறது ஹார்லி டேவிட்சன்.

2019

இந்த 2019-ல் 2.17 லட்சம் முதல் 2.20 லட்சம் வரையான ஹார்லி டேவிட்சன் பைக்குகளை ஏற்றுமதி செய்ய இருக்கிறதாம். 2010-ம் ஆண்டு தொடங்கி இத்தனை 2018 வரையான ஒன்பது ஆண்டுகளில் ஹார்லி டேவிட்சன் 2.18 லட்சத்துக்கு கீழ் ஏற்றுமதி செய்ததில்லை.