மிக இளவயது நிதியமைச்சர்.. ஒரு வாரத்தில் தயாரான பட்ஜெட்.. பியூஸ் கோயலின் இடைக்கால பட்ஜெட்!

தாக்கல் செய்யவில்லை

மத்திய நிதி அமைச்சர் அருண் ஜெட்லி இந்த பட்ஜெட்டை தாக்கல் செய்யவில்லை. அவர் உடல்நலக்குறைவு காரணமாக அமெரிக்காவில் சிகிச்சை பெற்று வருகிறார். தற்போது பொறுப்பு நிதி அமைச்சராக பியூஸ் கோயல் நியமிக்கப்பட்டு இருக்கிறார்.

மிக வேகம்

இந்த பட்ஜெட் மிக மிக வேகமாக தயாரிக்கப்பட்ட பட்ஜெட் என்பது குறிப்பிடத்தக்கது. பியூஸ் கோயல் லோக்சபா தேர்தல் பணிகளில் ஈடுபட்டுக்கொண்டு இருந்தார். தமிழகத்தின் பாஜக தேர்தல் பொறுப்பாளராக இவர் இருக்கிறார். இவர் தமிழகத்தில் கூட்டணி பேச்சுவார்த்தை நடத்தும் பணிகளில் இருந்தார். இந்த நிலையில் கடைசி நேரத்தில் இவர் இந்த பட்ஜெட்டை உருவாக்கி உள்ளார்.

இளையவர்

இந்தியாவில் இதுவரை பட்ஜெட் தாக்கல் செய்தவர்களில் இவர்தான் மிகவும் இளையவர் என்பது குறிப்பிடத்தக்கது. இவரது வயது 54தான். இதுவரை 55 வயதிற்கும் குறைவான நபர்கள் யாரும் மத்திய அரசில் பட்ஜெட் தாக்கல் செய்தது கிடையாது.

நல்லது

அதேபோல் இவர் முறையாக சிஏ படித்தவர் என்பதும் குறிப்பிடத்தக்கது. இவர் சிஏவில் இந்திய அளவில் இரண்டாவது ரேங்க் பெற்றவர். ஸ்டேட் பேங்க் உள்ளிட்ட சில வங்கிகளிலும் இவர் பணியாற்றிய அனுபவம் கொண்டவர். இதனால் இவரது பட்ஜெட்டில் பல முக்கிய அம்சங்கள் இருக்கலாம் என்று எதிர்பார்க்கப்படுகிறது.