பாஜக தலைவர்கள்

குறிப்பாக விவசாயிகள், நடுத்தர மக்களை குறி வைத்து ஒவ்வொரு அறிவிப்பும் இன்று வெளியானது. மத்திய அரசின் இந்த அறிவிப்புக்கு பாஜக தலைவர்கள் குஷியாகி வரவேற்று இருக்கிறார்கள்.

எச்.ராஜா

இதில் எச்.ராஜா ஒரு படி மேலே போய் நிற்கிறார். "கண்ணில் பயம் தெரியுதே" என்று ஒற்றைவரி ட்வீட் போட்டுள்ளார்.

யாரை சொல்கிறார்?

ஆனால், "கண்ணில் பயம் தெரியுதே" என்று எச்.ராஜா யாரை சொல்கிறார், யார் பயந்து கிடக்கிறார்கள் என்றுதான் புரியவில்லை. வெறும் சலுகைகளை இப்படி அறிவித்து விடுவதால் மட்டுமே காங்கிரஸ் தரப்பு பயந்து நடுங்கிவிடும் என்று எச்.ராஜா நம்புகிறாரா? அல்லது 3 மாநில தேர்தல் தோல்விகளை போல வரும் தேர்தலிலும் மண்ணை கவ்வக்கூடாது என்ற பயம் காரணமாகவே இத்தனை அறிவிப்புகளையும் பாஜக அறிவித்தது என்று எச்.ராஜா நம்புகிறாரா என்று தெரியவில்லை.

மூத்த தலைவர்

ஆனால், அறிவிப்புகளில் என்ன இருக்கிறது, யார் வேண்டுமானாலும், எவ்வளவு வேண்டுமானாலும் அறிவித்து விட்டு போகலாம் என்பதும், ஆனால் அவற்றினை செயல்படுத்தும்போதுதான் நடைமுறை சிக்கல்களும், அறிவிப்பின் சாத்தியங்களும் வெளிப்படும் என்பதும் மூத்த தலைவரான எச்.ராஜாவுக்கு தெரியாமல் இருக்குமா என்ன?!