நிகர நட்டம்

2018 அக்டோபர் முதல் டிசம்பர் வரையான மூன்று மாதங்களுக்குநிகர நட்டமாக 4,185 கோடி ரூபாயைக் காட்டி இருக்கிறார்கள். 2017 அக்டோபர் முதல் டிசம்பர் வரையான காலாண்டுக்கு 1,524 கோடி ரூபாய் மட்டுமே நிகர நஷ்டமாக காட்டி இருந்தார்கள் ஆக சுமார் 175 சதவிகிதம் கூடுதல் நட்டம் அடைந்திருக்கிறது வங்கி.

ரிசர்வ்கள் மற்றும் ப்ரொவிசன்கள்

எல்லா நிறுவனத்துக்கும் கொஞ்சம் பணத்தை ரிசர்கள் மற்றும் அவசர செலவுகளுக்கு என ஒதுக்கி வைப்பார்கள். அப்படி ஒதுக்கும் நிதி இந்த காலாண்டுக்கு 6,530 கோடி ரூபாயாக அதிகரித்திருக்கிறது. இது 2017 டிசம்பர் காலாண்டை விட 40.2 % அதிகம்.

வாராக் கடன்கள்

2018 டிசம்பர் காலாண்டில் மொத்த வாராக் கடன்கள் (Gross NPA) 29.67 % ஆக அதிகரித்திருக்கிறதாம். இதுவே 2017 டிசம்பர் காலாண்டில் 24.72 % ஆக இருந்திருக்கிறது. 2018 செப்டம்பர் காலாண்டில் மொத்த வாராக் கடன்கள் 31.78 என்கிற மிக அபாயகரமான அளவில் இருந்திருக்கிறது. நிகர வாராக் கடன்களுக்கும் இதே நிலை தான்.

நிகர வட்டி வருவாய்

செலவுகள் தான் அதிகரித்திருக்கிறதே வருவாயும் அதிகரித்திருக்குமா எனப்பார்த்தால் அதுவும் அதிகரிக்கவில்லை. 2018 டிசம்பர் காலாண்டில் 1,356 கோடி ரூபாய் மட்டுமே வட்டி வருவாயாக வந்திருக்கிறது. 2017 டிசம்பர் காலாண்டில் 1,665 கோடி ரூபாய் வட்டி வருவாயாக வந்திருக்கிறது. இதோடு டெபாசிட்டுகளும் 3% குறைந்திருக்கிறது. கடன் கொடுப்பதும் 16.77 சதவிகிதம் சரிந்திருக்கிறது என ஐடிபிஐ நிதிநிலை அறிக்கைகள் சொல்கின்றன.