உஷார்யா உஷாரு

Quadriga CX நிறுவனத்தின் CEO கெரால்டு காட்டன் (Gerald Cotten) டெக்னாலஜி உலகை அதிகம் நம்பக் கூடியவர். அதே நேரத்தில் ஹேக்கர்களின் திறமையையும் நம்பக் கூடியவர். ஆதலல் எப்போது Quadriga CX நிறுவனத்தின் வங்கிப் பரிவர்த்தனைகள், க்ரிப்டோ கரன்ஸிகளை வாங்குவது, விற்பது போன்ற அனைத்து ஆன்லைன் பரிவர்த்தனைகளையும் தனி ஒருவனாகவே செய்திருக்கிறார்.

காசு இருக்கு ஆனா இல்ல

இப்போது இந்த Quadriga CX நிறுவனத்தின் பெயரில் சுமார் 150 மில்லியன் டாலர் (நம் இந்திய ரூபாய் மதிப்பில் 1015 கோடி ரூபாய்) பிட்காயின், லிட்காயின்கள் என பல்வேறு க்ரிப்டோகரன்ஸிகளாக இருக்கின்றனவா. இப்போது அவைகளை எல்லாம் Quadriga CX கணக்கில் கொண்டு வரத் தேவையான பாஸ்வேர்டுகள் இல்லாததால் மொத்த முதலீட்டாளர்களும் உறைந்து போய் இருக்கிறார்களாம்.

மனைவி வாக்குமூலம்

காட்டனின் வீடு முழுவதும் தேடிப் பார்த்துவிட்டார்களாம். Quadriga CX நிறுவனத்தின் தொடர்பான பாஸ்வேர்டுகள் ஒன்றுமே கிடைக்கவில்லையாம். பொதுவாகவே காட்டனின் மின்னஞ்சல்கள் தொடங்கி குறுஞ்செய்திகள் வரை எல்லாமே என்க்ரிப்ட் ஆகி இருக்கிறதாம். கெரால்டு காட்டன் அவ்வளவு உஷாரான பார்ட்டியாம்.

முடியலங்க

ஹேக்கர்களை வரவழைத்து தங்களுக்குத் தெரிந்து எல்லா வித்தைகளையும் செய்து பார்த்திருக்கிறார்களாம். ஆனால் எவரால் முறையாக ஹேக் செய்ய முடியவில்லையாம். இப்போது தங்கள் பணத்தைக் கொடுக்கச் சொல்லிக் கேட்கும் முதலீட்டாளர்களுக்கு பணத்தைக் கொடுக்க முடியாமல் தள்ளாடி வருகிறார்களாம்.