Finance commission

இந்த அதிகாரத்தைத் தரச் சொல்லி நிதி ஆயோக் அமைப்பின் துணைத் தலைவர் ராஜிவ் குமார் 15-வது நிதி கமிஷனோடு பேச இருக்கிறாராம். சுருக்கமாக முன்பு திட்டக் குழுவுக்கு இருந்தது போல சில நிதி சார்ந்த அதிகாரங்கள் நிதி ஆயோக் அமைப்புக்கும் வேண்டும் எனக் கேட்க இருக்கிறார்கள்.

Infrastructure

இந்தியாவில் இன்னும் பல்வேறு மாநிலங்களுக்கு சரியான உள்கட்டமைப்பு வசதிகள் இல்லை. அவைகளை எல்லாம் சரி செய்ய இந்த அதிகாரம் உதவும். மத்திய அரசு மாநில அரசுகளுக்கு ஒதுக்கும் மேம்பாட்டுச் செலவுகளை (Development Expenditure) நிதி ஆயோக் மூலம் ஒதுக்கினால் இந்த சமமற்ற தன்மையை சரி செய்யலாம். அதிகம் முன்னேறி இருக்கும் மாநிலங்களுக்கு ஒதுக்கப்படும் நிதியில் இருந்து முன்னேறாத மாநிலங்களுக்கு நிதியை திருப்பி விடுவதன் மூலம் இந்த சமமற்ற தன்மை சரி செய்யப்பட வேண்டும்.

Not for Tamilnadu

ஆம். நிதி ஆயோக் அமைப்பின் துணைத் தலைவர் ராஜிவ் குமாரும் அதைத் தான் சுற்றி வளைத்துச் சொல்கிறார். தமிழகம், கர்நாடகா, மகாராஷ்டிரா போன்ற வளர்ந்த மாநிலங்களுக்கு வழங்கப்படும் மேம்பாட்டுச் செலவு நிதிகளை (Development Expenditure) நிதியை குறைத்து அஸ்ஸாம், பீகார், உத்திரப் பிரதேச போன்ற முன்னேறாத மாநிலங்களுக்க்கு ஒதுக்க இருக்கிறார்கள்.

Planning commission

இந்தியா சோஷியலிச காலத்தில் இருந்த போது கொண்டு வரப்பட்ட திட்டக் குழு கூட பல்வேறு வளர்ச்சித் திட்டங்களைக் கொண்டு வரும். ஆனால் நிதி அதிகாரம் நிதி அமைச்சகத்திடம் தான் இருந்தது. திட்டத்தைக் கொண்டு வருவது மத்திய அரசானாலும் நிதியை மத்திய நிதி அமைச்சகம் தான் ஒதுக்கும். ஆனால் இப்போது நிதி ஆயோக் திட்டக் குழுவைத் தாண்டி நிதி அதிகாரம் பெற மாநில அரசுகளுக்கு ஒரு கடிவாளம் போட முயல்கிறது.