ரிலையன்ஸ் கேபிடலின் கடன் சுமை

துணை நிறுவன பங்குகளை விற்கும் நடவடிக்கைகள் திட்டமிட்டபடி நடந்தால், அது நிறுவனத்தின் கடன் குறைப்பு முயற்சிகளில் மிகப்பெரிய முன்னேற்றமாக இருக்கும். இவ்விரண்டு நிறுவனங்களின் பங்குகளையும் விற்பதால் ரிலையன்ஸ் கேபிடலின் கடன் சுமையை ரூ.10000 கோடி முதல் ரூ.12000 கோடி வரையில் குறைக்க முடியும் என்று நம்புகிறது.

சந்தை மதிப்பு ரூ.5000 கோடி

துணை நிறுவனங்களான ரிலையன்ஸ் நிப்பான் அசெட் மேனேஜ்மென்ட் நிறுவனத்தின் 43 சதவிகித பங்குகளின் இன்றைய சந்தை மதிப்பு சுமார் ரூ. 5 ஆயிரம் கோடி ஆகும். ரிலையன்ஸ் கேபிடல் நிறுவனம், ரிலையன்ஸ் ஜெனரல் இன்ஷூரன்ஸின் 100 சதவிகித பங்குகளைத் தன் வசம் வைத்துள்ளது. அதில் 49 சதவிகித பங்குகள் விற்பனை செய்ய முடிவெடுத்துள்ளது.

பங்குகளை விற்க அனுமதி

பங்குகளை விற்பதற்கான ஆரம்பகட்ட நடவடிக்கைகள் நடைபெற்று வருகின்றன. ரிலையன்ஸ் ஜெனரல் இன்ஷூரன்ஸ் நிறுவனமும் தன்னுடைய பங்குகளை விற்பதற்காக கடந்த மாதம் செபியிடம் (SEBI) விண்ணப்பித்துள்ளது. ரிலையன்ஸ் கேபிடல் நிறுவனமும், அனைத்து நடவடிக்கைகளும் துரிதப்படுத்தப்பட்டுள்ளன. கூடவே, மேலும் சில நிறுவனங்களின் சொத்துக்களையும் விற்பதற்கு முயற்சித்து வருகிறோம் என்று நம்பிக்கை தெரிவித்துள்ளது.

கடன் பிரச்சினை

அனில் அம்பானியின் மற்றொரு நிறுவனமான ஆர்.காம் கடும் நிதி நெருக்கடியில் சிக்கி திவால் நிலைக்கு சென்றுள்ளது. தற்போது ரிலையன்ஸ் கேபிடல் நிறுவனமும் கடன் பிரச்சனையில் சிக்கி இருப்பது பங்குச்சந்தை முதலீட்டாளர்களை அச்சத்தில் ஆழ்த்தி உள்ளது.