டெல்லி: 2019 பிப்ரவரி மாதத்துக்கான நுகர்வோர் பணவீக்கம் (Consumer Price Inflation) அனைத்து இந்திய சராசரி கணக்குகள் இன்று மார்ச் 12, 2019 மாலை வெளியானது. இனி வருவது எல்லாமே அனைத்து இந்திய சராசரிகள் தான். கடைசியில் தமிழகத்தின் விவரங்கள் தனியாக சொல்லி இருக்கிறோம்.

நுகர்வோர் பணவீக்கம் 2.57 சதவிகிதமாக அதிகரித்திருக்கிறது. கடந்த ஜனவரி 2019-ல் நுகர்வோர் பணவீக்கம் 1.97 சதவிகிதமாக இருந்திருக்கிறது. பிப்ரவரி 2018 காலத்தில் நுகர்வோர் பணவீக்கம் 4.44 சதவிகிதமாக இருந்திருக்கிறது.

நுகர்வோர் உணவுப் பணவீக்கம் பிப்ரவரி 2019 காலத்துக்கு -0.66 சதவிகிதம் என கடந்த ஜனவரி 2019 காலத்தில் இருந்த -2.24 அளவை விட கொஞ்சம் அதிகரித்திருக்கிறது. பிப்ரவரி 2018 காலத்தில் நுகர்வோர் உணவுப் பணவீக்கம் 3.26 சதவிகிதமாக இருந்திருக்கிறது.

அனைத்து இந்திய மாநிலங்களிலும் சராசரியாக அடிப்படை பொருட்களின் விலைவாசி மாற்றம் பிப்ரவரி 2018 விலைக்கு ஒப்பிட்டு பிப்ரவரி 2019-க்கு மத்திய அரசு கணித்துக் கொடுத்திருக்கிறது

தானியங்கள் 1.32%
மீன் இறைச்சி 5.92%
முட்டை 0.86%
பால் 0.92%
எண்ணெய் & கொழுப்புகள் 1.41%
பழங்கள் -4.62%
காய்கறிகள் -7.69%
பருப்பு வகைகள் -3.82%
சர்க்கரை -6.92%
மசாலா பொருட்கள் 1.82%
எரிபொருள் 1.24%

மேலே சொன்னது அனைத்து இந்திய மாநிலங்களுக்கான சராசரி விவரங்கள் மற்றும் விலை வாசி. தமிழகத்துக்கு மட்டும் எனப் பார்த்தால் நுகர்வோர் பணவீக்கம் 3.17 சதவிகிதமாக இருக்கிறது. அனைத்து இந்திய சராசரியான 2.57 சதவிகிதத்தை விட கொஞம் அதிகம் தான்.

தமிழகத்தின் நகர் புறத்தில் நுகர்வோர் பணவீக்கம் 2.97 சதவிகிதமாகவும், தமிழக கிராம புறங்களில் நுகர்வோர் பணவீக்கம் 3.50 சதவிகிதமாகவும் இருக்கிறது.

இவைகள் எல்லாம் கணிப்புகள் தான் சரியான கணிப்புகள் அடுத்த மாதம் தான் வெளியாகும்.