Boeing 737-க்கு தடை

இந்த தொடர்ச்சிக்குப் பின் ஒவ்வொரு நாடாக முன்வந்து போயிங் 737 மேக்ஸ் 8 ரக விமானங்களை பயன்படுத்தத் தடை விதித்தது. சீனா, எத்தியோப்பியா, இந்தியா, கேமன் தீவுகள், அர்ஜிண்டினா, மெக்ஸிகோ என நாடுகள் பட்டியல் நீண்டு கொண்டே போனது.

ஒரு ஆண்டில்

தற்போது ஒரு மாதத்தில் 52 Boeing 737 மேக்ஸ் ரக விமானங்களைத் தயாரித்து வருகிறது போயிங். இனி ஒரு மாதத்தில் வெறும் 42 விமானங்கள் மட்டுமே தயாரிக்கப்படுமாம். ஏன் உற்பத்தியைக் குறைக்கிறீர்கள் எனக் கேட்டால் "மேலே சொன்ன இரண்டு விபத்துக்களால் விமானங்களை ஆர்டர் கொடுத்த பல நாடுகளுக்கும் தங்கள் விமானங்களை டெலிவரி எடுத்துக் கொள்ள தயங்குகிறார்களாம். எனவே இதுவரை உற்பத்தி செய்த விமானங்களே கையில் நிறைய தேங்கி இருக்கிறதாம். அதனால் தான் இந்த உற்பத்தி குறைப்பாம்.

விபத்துக் காரணம்

stall-prevention system என ஒரு மென் பொருளை போயிங் 737 மேக்ஸ் 8 ரக விமானத்தில் பொருத்தி இருக்கிறார்கள். இந்த மென் பொருள் போயிங் 737 மேக்ஸ் 8 ரக விமானங்கள் அதிரடியாக, மிக வேகமாக, மேல் எழும்புவதைத் தடுத்து நிலையாக பறக்க வசதியாக வடிவமைத்திருக்கிறார்களாம். இந்த மென் பொருள் தான் air lion flight 610 & ET 308 விமான விபத்துக்களூக்கு காரணமாக இருக்கலாம் என அழுத்தமாக சந்தேகிக்கிறார்களாம் விமான விபத்து நிபுணர்கள்.

சரி செய்வோம்

ஏற்கனவே எத்தியோப்பியாவிலும், இந்தோனேசியாவிலும் நடந்த விமான விபத்து ஒரு தொடர் சம்பவங்களால் நடந்ததாக இருக்கிறது. அதற்கு இந்த stall-prevention system முக்கிய காரணமாக இருக்கிறது. இந்த சிக்கலை சரி செய்வது எங்கள் கடமை, அதை எப்படி செய்வது என்றும் எங்களுக்கு தெரியும். அதை செய்தும் வருகிறோம் எனச் சொல்லி இருக்கிறார் போயிங் நிறுவனத்தின் சி இ ஓ டென்னில் முலென்பர்க் (Dennis Muilenburg).