பாலிவுட் நடிகை

மயூரி காங்கோ Mayuri Kango ஒரு முன்னாள் பாலிவுட் நடிகை என்பதும் அவர் புகழுக்கு ஒரு முக்கிய காரணமாக இருக்கிறது. 1990-களில் இருந்து பாலிவுட் படங்களில் நடித்து வந்த மயூரி காங்கோ, 1996-ல் வெளியான ‘பாபா கெஹத்தே ஹேன்' (அப்பா சொல்றாரு) என்கிற படத்தில் நடித்ததற்கு பெரிதும் பாராட்டப் பட்டார். அதற்கு பிறகும் பல வணிக வெற்றிப் படங்களில் நடித்திருக்கிறார்.

அமெரிக்கா எம்பிஏ

பாலிவுட்டில் ஒரு கை பார்த்த பின் 2003-ம் நடிப்புக்கு டாடா சொல்லிவிட்டார். அதன் பிறகு ஒரு வெளிநாடு வாழ் இந்தியரான ஆதித்யா தில்லானை திருமணம் செய்து கொண்டு அமெரிக்காவில் செட்டிலாகிவிட்டார். அப்படியே நியூயார்க்கில் இருக்கும் சிட்டி பல்கலைக்கழகத்தில் தன் எம்பிஏ பட்டப் படிப்பையும் முடித்து தன்னை வளர்த்துக் கொண்டார்.

அடிப்படை படி

எம்பிஏ முடித்த உடன் ஒரு அமெரிக்க நிறுவனத்திலேயே துணை மீடியா மேனேஜராக வேலை பார்க்கத் தொடங்கினார். தன் எம்பிஏ பட்டப் படிப்பைப் பயன்படுத்தி இந்த ஏஜென்ஸிகளை சமாளிக்கும் அடிப்படை வேலைகளை முழுமையாக அமெரிக்காவிலேயே கற்றுக் கொண்டார்.

இந்தியாவில் வேலை

அடிப்படைகளை எல்லாம் அமெரிக்காவிலேயெ கற்றுக் கொண்ட பின் மீண்டும் இந்தியாவின் குருகிராமில் வந்து செட்டிலாகிவிட்டார். இந்தியாவில் Publicis Groupe என்கிற நிறுவனத்தில் வேலை பார்க்கத் தொடங்கினார். அதிலும் பல வருடங்கள் நல்ல பணி அனுபவம் பெற்ற பின் தற்போது கூகுள் நிறுவனத்தின் தலைமை பொறுப்புக்கு உயர்ந்திருக்கிறார்.

மயூரி கருத்து

கூகுள் நிறுவனத்தோடு சேர்ந்து வேலை பார்ப்பதும், கூகுள் சார்பாக DAN and Publicis போன்ற நிறுவனங்களோடு சேர்ந்து செயல்பட வேண்டிய பெரிய பொறுப்பும் என்னை மிகவும் பூரிப்படையச் செய்கிறது. என் கடந்த 10 ஆண்டு கால ப்ரொஃபெஷனல் வாழ்கையையையும், அனுபவங்களையும் முழுமையாகப் பயன்படுத்தி இந்த உறவு முறையை மேலும் வளர்ப்பேன் எனச் சொல்லி இருக்கிறார். அதோடு கூகுளில் பணி புரிவது தன் ப்ரொஃபெஷனல் வாழ்கையின் இரண்டாம் கட்டமாக இருக்கும் எனவும் எதிர்பார்ப்பதாகவும் சொல்லி இருக்கிறார்.