எத்தனை விசாக்கள்

இந்தியாவுக்கு வழங்கப்பட்ட H1-B விசா விசாக்களின் எண்ணிக்கை 65 ஆயிரம் மட்டுமே. அதோடு 20,000 H1-B விசா சிறப்புக் கோட்ட விசாக்களும் வழங்கப்படுகிறது. இந்த 20000 பேருக்கான கோட்டாவில் அமெரிக்காவில் மேற்படிப்பு படித்தவர்களுக்கு மட்டுமே ஒதுக்கப்படும்.

6 மாதம் கழித்து

அடுத்த ஆறு மாதம் கழித்து அமெரிக்கா பயணப்பட விரும்புபவர்கள் தான் இப்போது இந்த விசாவுக்கு விண்ணப்பித்திருக்கிறார்கள். தற்போது இந்தியாவுக்கு ஒதுக்கப்பட்ட விசா எண்ணிக்கையை விட சுமார் மூன்று மடங்கு கூடுதலாக விண்ணப்பங்களை வாங்கிவிட்டதால் தற்போது H1-B விசா விண்ணப்பத்தை வாங்குவதில்லையாம். அதற்கான இணைய லிங்குகளையும் முடக்கி வைத்திருக்கிறார்களாம்.

2 லட்சம் பேர்

தற்போது வரை 2019 - 20 விசா ஆண்டில் அமெரிக்காவில் வேலை செய்ய இந்தியாவில் இருந்து மட்டும் 2.01 லட்சம் பேர் H1-B விசாவுக்கு விண்ணப்பித்து இருக்கிறார்களாம். இது கடந்த 2017 - 18 மற்றும் 2016 - 17 ஆண்டுகளை விட சுமார் 5 சதவிகிதம் அதிகமாம். ஏப்ரல் 01, 2019-ல் இருந்து ஏப்ரல் 05, 2019 வரை மட்டுமே வாங்கிய விண்ணப்பங்களை பரிசீலித்து தேர்வு செய்து வரும் அக்டோபர் 01 2019 முதல் அமெரிக்காவில் பணிபுரிவதற்கான உரிமங்கள் வழங்கப்படுமாம்.

கடந்த ஆண்டில்

கடந்த ஆண்டு ஏப்ரல் 06, 2018-ம் தேதியிலேயே H1-B விசாவுக்கான விண்ணப்ப இணைப்புகளை நிறுத்திக் கொண்டது அமெரிக்க தூதரகம். kஅடந்த ஏப்ரல் 2018-ல் அமெரிக்காவிலேயே மேற்படிப்பு படித்தவர்களுக்காக வழங்கப்படும் 20 ஆயிரம் H1-B விசாக்களுக்கு இதுவரை சுமார் ஒரு லட்சம் பேர் விண்ணப்பித்து இருக்கிறார்களாம். 2016 - 17 விசா ஆண்டில் 2.36 லட்சம் பேர், 2017 - 18 விசா ஆண்டில் 1.99 லட்சம் பேர், 2018 - 19 விசா ஆண்டில் 1.90 லட்சம் பேர், 2019 - 20 விசா ஆண்டில் 2.01 லட்சம் பேர் விண்ணப்பித்தார்களாம்.