உதவிய ஸ்பைஸ்ஜெட்

இந்த நிலையில் ஸ்பைஸ்ஜெட் நிறுவனம் ஏற்கனவே ஜெட் ஏர்வேஸ் ஊழியர்களுக்கு உதவிக்கரம் நீட்ட முன்வந்துள்ளது. அதில் 100 பைலட்களுக்கும், 200க்கும் மேற்பட்ட டெக்னீசியன்கள் மற்றும் விமான நிலைய அதிகாரிகளுக்கு வேலை வழங்க உள்ளது.

சென்னை பதிப்பகத்தில் வேலை

அதேபோல் சென்னையைச் சேர்ந்த பதிப்பக நிறுவன உரிமையாளர் ஒருவர், வாடிக்கையாளர் சேவை மையத்திற்காக 2 ஜெட் ஏர்வேஸ் ஊழியர்களுக்கு பணி வழங்க முடிவு செய்துள்ளார். இது போல் பல ஊழியர்களுக்கு வேலை வாய்ப்புகள் இருப்பதாகவும்,சென்னை மட்டும் அல்லாமல் மற்ற நாடுகளிலும், ஊர்களிலும் அந்தந்த ஊர்களில் வேலை வாய்ப்பு இருப்பதாகவும் ஆங்காங்கே இருந்து பதிவுகள் பதியப்பட்டு வருகின்றன.

ஸ்பைஸ்ஜெட் விரிவாக்கத்தில் வேலை

மற்றவர்கள் பி.ஆர் நிறுவனம் மற்றும் மாடலிங் ஏஜென்சி உள்ளிட்டவற்றில் வேலை கிடைக்க ஏற்பாடு செய்யப்பட்டுள்ளது. இதுகுறித்து பேசிய ஸ்பைஸ்ஜெட் நிறுவன சி.எம்.டி அஜய் சிங் கூறுகையில், எங்கள் நிறுவனச் செயல்பாட்டை விரிவுபடுத்த திட்டமிட்டுள்ளோம். அதற்காக பலரை வேலைக்கு அமர்த்த முடிவு செய்துள்ளோம். அதில் ஜெட் ஏர்வேஸ் நிறுவனம் மூலம் வேலையிழந்த நபர்களுக்கு முன்னுரிமை அளிக்க திட்டமிட்டுள்ளோம் என்றும் கூறியுள்ளார்.

Letshelpjetstaff - ஹேஸ்டேக்

இந்நிலையில் டுவிட்டரில் #Letshelpjetstaff என்ற ஹேஸ்டேக் வைரலாக்கப்பட்டு வருகிறது. இதில் சிறிய, பெரிய தொழிலதிபர்கள் என பல்வேறு தரப்பினரும், தங்களுக்கு தெரிந்த வேலைவாய்ப்பு விஷயங்களை பகிர்ந்து கொண்டிருக்கின்றனர். இதில் ஜெட் ஏர்வேஸ் நிறுவன ஊழியர்களுக்கு பெரிதும் உதவிகரமாக இருந்து வருகிறது.

கவலைப் படாதீர்கள் நாங்கள் இருக்கிறோம்

இதோடு மட்டும் அல்லாமல் பலர் ஜெட் ஏர்வேஸ் ஊழியர்களுக்காக அவரவர் நிறுவனங்களில் இருக்கும் வேலை வாய்ப்பினையும் பதிவிட்டு வருகின்றனர். அதோடு கவலை படாதீர்கள் தோழமைகளே நாங்கள் இருக்கிறோம் என்று ஆறுதல் கூறி வருவது மனிதாபிமானம் இன்னும் உலகில் இருப்பதை காட்டுகிறது.