இதைப் பற்றியும் தெரிந்து கொள்ளுங்கள்

இதில் பெண் தொழில் முனைவோருக்கு சில சிறப்பு திட்டங்கள் உண்டு. இந்த ஸ்டார்ட் - அப் நிறுவனங்கள் தொடக்க நிறுவனர்கள் எளிதாக பதிவு செய்வதற்காக மொபைல் அப்ளிகேஷன்ஸ் தரப்பட்டுள்ளன. மேலும் ஆன்லைன் போர்ட்டலும் உண்டு. பொதுக் கொள்முதல் விதி முறைகளில் தளர்வு. காப்புரிமை பெறுவதிலும் விதிகள் தளர்த்தப்படுகின்றன. குறிப்பாக காப்புரிமை பட்டயத்தை பதிவு செய்வதற்கான கட்டணங்கள் குறிப்பிட்ட சதவிகிதம் வரை குறைக்கப்படுகின்றன. தொழில் முனைவோர் அவர்களின் சுய சான்றுடன் விண்ணப்பத்தை ஒரே நாளில் பதிவு செய்யலாம்.

சில ஸ்டார்ட்- அப்கள் மட்டுமே வெற்றி

உலக அளவில் ஒவ்வொரு வினாடிக்கும் 1 -3 ஸ்டார்ட் - அப்கள் தொடங்கப்படுகின்றன.ஆனால் இவ்வாறு தொடங்கப்படும் நிறுவனங்களில் 10ல் 1 அல்லது 2 மட்டுமே வெற்றியடைகிறது. ஏன் இதற்கு என்ன காரணம் என்று என்றாவது யோசித்திருக்கிறீர்களா?

தொழில் புதுமையை புகுத்த வேண்டும்

புதிவிதமான பிசினஸ்களாக இருக்க வேண்டும் என்று அவசியம் இல்லை, அவை ஏற்கனவே இருக்கும் தொழிலாக கூட இருக்கலாம். அதற்கு எடுத்துக் காட்டுதான் உணவு டெலிவரி. முன்னர் இதே போன்று தொழில் இருந்தாலும் இந்த அளவுக்கு பேசப்பட்டதும் இல்லை. வளர்ச்சியும் இல்லை. ஆனால் தற்போது அதை நமது மொபைல் வரைக்கும் கொண்டு வந்த நிறுவனங்களையும் நாம் கண்கூட பார்த்துக் கொண்டுதானே இருக்கிறோம்.

தொழில்களில் எப்படி வெற்றி பெறுவது?

முதலில் நாம் தேர்தெடுக்கும் தொழில் மிக உறுதியானதாக இருக்க வேண்டும். அதில் எந்த ஒரு பிரச்சனை வந்தாலும் தீர்க்கக் கூடியதாக இருக்க வேண்டும். உங்களது பொரூளோ அல்லது சேவையோ மற்றவர்களிடம் இருந்து வித்தியாசப்பட வேண்டும். அது மற்றவர்களின் பிரச்சனைகளுக்கு ஒரு தீர்வாக இருக்க வேண்டும். எடுத்துக்காட்டாக மேலே நாம் கூறிய உணவு டெலிவரி குறித்த தொழில்.மேலும் அந்த பொருளுக்கு என்ன தேவை இருக்கு என்பதையும் தெரிந்து கொள்ளுங்கள்.

ஸ்டார்ட்-அப்களுக்கு அரசு தரும் திட்டங்கள்

நீங்கள் தேர்தெடுக்கும் தொழிலுக்கு தேவையான முதலீடு. அது உங்களாலேயே அல்லது உங்களை சார்ந்தவராலோ செய்ய முடியும் என்றால் செய்யலாம். அதோடு நீண்ட கால வளர்ச்சிக்காக துணிகர மூலதன அமைப்புகளின் உதவியுடன் தொழில் தொடங்குவது. இது பிரச்சனைகளில் ஏற்படும் காலங்களில் மிகப் பெரும் உதவியாக இருக்கும். மேலும் ஸ்டார்ட் அப் களுக்கு முதலீடு தரும் அரசு திட்டங்கள் என்னென்ன என்று தெரிந்து வைத்துக் கொள்ள வேண்டும்.

பழைய தொழிகளில் புதுமை

ஸ்டார்-அப் நிறுவனங்களை பொறுத்தவரையில் ஏற்கனவே உள்ள தொழில் புதுமையை புகுத்துவது. இது சிறந்த உதாரணம் அதிகரித்து வரும் பசுமைக் குடில்கள்.அதாவது இயற்கை பாரம்பரியத்தோடு உணவு மற்றும் ஸ்னாக்ஸ். இதில் தானியங்கள் மூலம் தயாரித்து விற்கப்படுகின்றன. சிறந்த எடுத்துக் காட்டுகள் பல உள்ளன. அதிலும் குறிப்பாக ஈரோடு, கோயமுத்தூர் சுற்று வட்டாரப் பகுதிகளில் அதிகரிக்கின்றன.