ஸ்பேம் கனக்குகளை நீக்கியது

ட்விட்டர் தனது பாதுகாப்பையும் அதிகப்படுத்த பல ஸ்பேம் கணக்குகளை நீக்கியுள்ளது. இதே போல் அடுத்த காலாண்டிலும் இது போன்ற பணிகளை தொடர விருக்கிறது.
விளம்பரங்களை அதிகம் பார்வையிடும் பயனாளர்களையும் ட்விட்டர் தனியே அடையாளம் கண்டுள்ளது. இந்த காலாண்டில் அவர்களின் எண்ணிக்கை 13.4 கோடியாக உள்ளது. இது முந்தைய காலாண்டை விட 11% அதிகமாகும்.  

அமெரிக்காவில் வருவாய் 25%

அமெரிக்காவில் விளம்பர வருவாய் 25%
இதேபோல ட்விட்டரின் வருவாயும் 18% உயர்ந்துள்ளது,அதாவது 787 மில்லியன் டாலராக அதிகரித்து உள்ளது. இதுவே இதற்கு முந்தைய ஆண்டு இதே காலாண்டில் 665 மில்லியன் டாலர்களாக இருந்தது குறிப்பிடத்தக்கது. இதில் கவனிக்கதகக் விஷயம் என்னவெனில் அமெரிக்காவில் மட்டும் ட்விட்டரின் விளம்பர வருவாய் 25% கூடியிருக்கிறது.

விளம்பரங்கள் மூலமே வருவாய் அதிகம்

ட்விட்டரின் வருவாயில் பெரும் பகுதி விளம்பரங்களிலிருந்து தொடர்ந்து வருகிறது. தரவு உரிம வருவாயும் குறிப்பிட்ட அளவில் அதிகரித்த வன்ணமே உள்ளது . இது குறிப்பாக 20 சதவிகிதம் அதிகரித்து ஆண்டுக்கு 107 மில்லியன் டாலருக்கும் அதிகமாக வருவாய் அதிகரித்துள்ளது.

தினசரி பயனாளர்கள் அதிகம்

அதோடு தினசரி ட்விட்டரை உபயோகப்படுத்தும் வாடிக்கையாளரின் எண்ணிக்கையையும் அதிகரித்துள்ளது. 2019ம் நிதியாண்டின் முதல் காலாண்டில் 134 மில்லியன் பயனாளர்கள் உள்ளனர். இதுவே கடந்த 2018-ம் நிதியாண்டின் முதல் காலாண்டில் பயனாளர்களின் எண்ணிக்கை 120 மில்லியன் ஆகும். ஆக நடப்பு ஆண்டோடு ஒப்பிடும் போது தற்போது 11 சதவிகிதம் பயனாளர்கள் அதிகரித்துள்ளனர்.

வரும் காலாண்டிலும் லாபம் அதிகரிக்கும்

இந்த நிலையில் வால் ஸ்ட்ரீட் கணித்த அளவுக்கு வளர்ச்சியை ட்விட்டர் இந்த காலாண்டில் எட்டவில்லை எனினும் வரும் காலாண்டில் ட்விட்டர் தனது வருவாய் 770 மில்லியன் டாலரிலிருந்து 830 டாலர் வரை உயரும் என எதிர்பார்க்கிறது.