வினய் துபே

நேற்று மே 03, 2019 அன்று நிதி நெருக்கடியில் சிக்கித் தவிக்கும் ஜெட் ஏர்வேஸ் (Jet airways) நிறுவனத்தின் முதன்மைச் செயல் அதிகாரி வினய் தூபே தன் பதவியை ராஜினாமா செய்தார். வினய் துபே ஒரு அமெரிக்க இந்தியர். அமெரிக்காவில் டெல்டா ஏர்லைன்ஸ், அமெரிக்கன் ஏர்லைன்ஸ் என பல்வேறு பெரிய விமான சேவை நிறுவனங்களில் வேலை பார்த்த அனுபவம் கொண்டவர். இவர் கடந்த ஆகஸ்ட் 2017-ல் தான் ஜெட் ஏர்வேஸ் (Jet airways) நிறுவனத்துக்கு சி இ ஓ-ஆக நியமிக்கப்பட்டார் என்பதும் நினைவு கூறத்தக்கது.

நிதி அதிகாரி

சமீபத்தில் தான் ஜெட் ஏர்வேஸ் (Jet airways) நிறுவனத்தில் இருந்து அதன் முதன்மை நிதி அதிகாரி (Chief Financial Officer)மற்றும் இணை முதன்மைச் செயல் அதிகாரி (Deputy Chief Executive Officer) அமித் அகர்வால் பதவி விலகினார்.

விஸ்வாசி

அவர்களுக்கு முன்பு முன்னாள் ஜெட் ஏர்வேஸ் (Jet airways) நிறுவன தலைவர் நரேஷ் கோயலின் நெருங்கிய நண்பர் மற்றும் விஸ்வாசி கெளரங் ஷெட்டி பதவி விலகினார். இவர் ஜெட் ஏர்வேஸ் (Jet airways) நிறுவனத்தின் இயக்குநர் குழுவில், ஒரு இயக்குநராக சில மாதங்களுக்கு முன் தான் அமர்த்தப்பட்டார்.

ஐஏஎஸ் அதிகாரி

இவர்கள் எல்லாம் தங்கள் பதவிகளில் இருந்தும், இயக்குநர் குழுவில் இருந்தும் ராஜினாமா செய்வதற்கு முன், முன்னாள் தேர்தல் ஆணையர் மற்றும் ஒய்வு பெற்ற ஐஏஎஸ் அதிகாரி நஸீம் சய்தி ஜெட் ஏர்வேஸ் (Jet airways)-ன் இயக்குநர் குழுவில் இருந்து விலகினார். அதற்கு "சரியாக நேரம் ஒதுக்கி ஜெட் ஏர்வேஸ் (Jet airways) நிறுவன நடவடிக்கைகளை கவனித்துக் கொள்ள முடியவில்லை" எனக் காரணம் சொல்லி பதவி விலகினார்.