பி வி சிந்து

இந்தியாவின் பி.வி.சிந்து 59.37 கோடி சம்பாதித்து ஏழாவது இடத்தை பிடித்துள்ளார். இந்தியாவின் சார்பிலும், பாட்மிண்டன் சார்பிலும் முதல் பத்து இடங்களில் இருக்கும் ஒரே வீராங்கனை சிந்து மட்டுமே. 2016 ரியோ ஒலிம்பிக் போட்டியில் வெள்ளி வென்ற சிந்து இந்தியா முழுவதும் மிகவும் பிரபலமானார். பாட்மிண்டன் தரவரிசையில் தொடர்ந்து முன் வரிசையிலேயே இருந்து வருகிறார்.

விளம்பர வருமானம்

இந்த பட்டியலில் செரீனா, மரியா ஷரபோவா, பி.வி.சிந்து ஆகியோர் சமீப காலங்களில் எந்த பட்டங்களையும் வெல்லவில்லை. என்றாலும் அவர்கள் அதிக பணம் சம்பாதித்து வருகின்றனர். விளம்பர வருமானம் மூலம் அதிக பணம் கிடைக்கிறது. நோக்கியா, பானசானிக் உள்ளிட்ட அரைடஜனுக்கு மேற்பட்ட விளம்பரங்களில் நடித்து வருமானம் சம்பாதிக்கிறார்.

செரீனா வில்லியம்ஸ்

முதல் இடத்தை செரீனா வில்லியம்ஸ் மூன்றாவது ஆண்டாக தக்க வைத்துக் கொண்டுள்ளார். அவர் டென்னிஸ் போட்டியில் கிடைத்த வெற்றிப் பணமாக 43.3 லட்சம் (62,000 டாலர்கள்) மட்டுமே பெற்றுள்ளார். அதே சமயம், விளம்பர ஒப்பந்தம் மூலம் 126 கோடி (18.1 மில்லியன்) சம்பாதித்துள்ளார். செரினா வில்லியம்ஸ்க்கு தற்போது 34வயது ஆகிறது. அவர் கடந்த 10ஆண்டுகளுக்கும் மேலாக டென்னிஸ் விளையாட்டில் ஆதிக்கம் செலுத்தி வருகிறார்.

வருமானம் எவ்வளவு

செரினா வில்லியம்ஸ் இதுவரை ஆடிய விளையாட்டுப்போட்டிகளில் ரூ475கோடி சம்பாதித்துள்ளார் . மற்ற எந்த விளையாட்டு வீராங்கனைகள் சம்பாதித்தைக்காட்டிலும் செரினா வில்லியம்ஸ் இரு மடங்கு அதிகமாக சம்பாதித்துள்ளார். இதற்கு முன்னர் 12 மாதங்களில் அதிகம் சம்பாதித்த டென்னிஸ் வீராங்கனை என்ற பெருமை ரஷ்ய வீராங்கனை மரிய ஷெரபோவாவிற்கு இருந்தது. அந்த சாதனையை தற்போது செரினா வில்லியம்ஸ் முறியடித்துள்ளார்.எச்எஸ்என், நைக் நிறுவனங்களின் பிராண்ட் அம்பாசிடராக இருக்கிறார் செரீனா.

டேன் கரோலின்

டென்னிஸ் வீராங்கனைகள் டேன் கரோலின் வோஸ்னியாக்கி இரண்டாம் இடத்தை பிடித்துள்ளார். 13 மில்லியன் டாலர் வருமானம் கிடைக்கிறது.

அடிடாஸ், ரோலெக்ஸ் உள்ளிட்ட அரைடஜன் நிறுவனங்களின் பிராண்ட் அம்பாசிடராக இருக்கிறார் இந்த அழகுப்புயல். ஓவோ ஆப்டிக்ஸ் சன் கிளாஸ் நிறுவனத்தையும் தொடங்கியுள்ளார்.

ஸ்லோஆன் ஸ்டீபன்ஸ்

ஸ்லோஆன் ஸ்டீபன்ஸ் மூன்றாவது இடத்தையும் பிடித்துள்ளனர். அவரது வருமானம் ரூ.78 கோடி. 2017ஆம் ஆண்டு யுஎஸ் ஓபன் டென்னிஸ் போட்டியில் பட்டம் வென்று முதல் கிராண்ட் ஸ்லாம் பட்டத்தை வென்ற பின்னர் சுக்கிரதிசை ஆரம்பித்தது. நைக், மெர்சிடிஸ் பென்ஸ், ரோலெக்ஸ், கோல்கேட் என விளம்பரங்களின் பிராண்ட் அம்பாசிடராக வலம் வருகிறார். இதன் மூலம் வருமானமும் கொட்டுகிறது.

கார்பைன் முகுருசா

ஸ்பெயினின் கார்பைன் முகுருசா 76.8 கோடி வருமானத்துடன் நான்காம் இடத்தில் இருக்கிறார். கடந்த ஆண்டு விம்பிள்டன் பட்டம் வென்ற கார்பைன் முகுருசாவிற்கு ரோலெக்ஸ், சன் கிளாஸ், இன்சூரன்ஸ் நிறுவன விளம்பரங்கள் மூலம் வருமானம் செழிக்கிறது.

மரியா ஷரபோவா

ரஷ்யாவின் மரியா ஷரபோவா 73.3 கோடி வருமானத்துடன் ஐந்தாம் இடத்தில் இருக்கின்றனர். இவருக்கு நைக், ஹெட், போர்ஷே நிறுவனங்களின் விளம்பரங்கள் மூலம் வருமானம் கிடைக்கிறது. இந்த நிறுவனங்களிடம் பல ஆண்டுகள் பிராண்ட் அம்பாசிடராக ஒப்பந்தம் போட்டிருக்கிறார்.

வீனஸ் வில்லியம்ஸ்

வீனஸ் வில்லியம்ஸ் 10.2 மில்லியன் டாலர் வருமானத்துடன் ஆறாம் இடத்தில் இருக்கிறார். 38 வயதாகும் இவருக்கு 2020 ஒலிம்பிக்கில் பட்டம் வெல்ல வேண்டும் என்ற நம்பிக்கையுடன் விளையாடி வருகிறார். இந்த பட்டியலில் சிமோனா ஹலீப் 7.7 மில்லியன் டாலர் வருமானத்துடன் எட்டாம் இடத்தில் இருக்கிறார். டேனிகா பார்ட்ரிகா 7.5 மில்லியன் டாலர் வருமானத்துடன் ஒன்பதாம் இடத்தில் இருக்கிறார். ஏஞ்சலிக் ஹெர்பர் 7 மில்லியன் டாலர் வருமானத்துடன் 10வது இடத்தில் இருக்கிறார்.