நிலக்கரி உற்பத்தி

உள்கட்டமைப்பின் முக்கிய காரணியான நிலக்கரி உற்பத்தியானது கடந்த ஏப்ரலில் 2.8 சதவிகிதமாக உயர்ந்து காணப்பட்டது. கடந்த ஆண்டின் ஏப்ரல் மாதத்தைக் காட்டிலும் சற்று அதிகமாகும். கடந்த 2018-19ஆம் ஆண்டில் ஒட்டுமொத்தமாக 7.4 சதவிகிதமாக இருந்தது குறிப்பிடத்தக்கது.

கச்சா எண்ணெய் உற்பத்தி

கச்சா எண்ணெய் உற்பத்தி கடந்த ஏப்ரல் மாதத்தில் 6.9 சதவிகிதமாக சரிந்துள்ளது. கடந்த 2018ஆம ஆண்டை விட இது குறைவாகும். அதே போல் 2018-19ஆம் ஆண்டில் ஒட்டுமொத்தமாக 4.1 சதவிகிதம் அதிகரித்து காணப்பட்டது.

இயற்கை எரிவாயு

இயற்கை எரிவாயு உற்பத்தியானது கடந்த ஏப்ரல் மாதத்தில் சுமார் 0.8 சதவிகிதம் மட்டுமே குறைந்து காணப்பட்டது. அதே போல் ஒட்டுமொத்தமாக 2018-19ஆம் ஆண்டில் 0.8 சதவிகிதம் அதிகரித்து காணப்பட்டது.

பெட்ரோலியப் பொருட்கள் உற்பத்தி

பெட்ரோலியப் பொருட்களின் உற்பத்தியானது கடந்த ஏப்ரலில் 4.3 சதவிகிதம் அதிகரித்துள்ளது. அதேபோல் ஒட்டுமொத்தமாக கடந்த 2018-19ஆம் ஆண்டில் 3.1 சதவிகிதம் அதிகரித்து காணப்பட்டது.

உர உற்பத்தி

விவசாயத்திற்கு துணை நிற்கும் உர உற்பத்தியானது கடந்த ஏப்ரல் மாதத்தில் சுமார் 4.4 சதவிகிதம் சரிவை சந்தித்துள்ளது. ஆனால் அதே சமயத்தில் கடந்த 2018-19ஆம் ஆண்டில் ஒட்டுமொத்தமாக 0.3 சதவிகிதம் அதிகரித்திருந்தது குறிப்பிடத்தக்கது.

இரும்பு

உள்கட்டமைப்பின் மற்றொரு முக்கிய காரணியான இரும்பு உற்பத்தியானது கடந்த ஏப்ரலில் சுமார் 1.5 சதவிகிதம் அதிகரித்திருந்தது. ஆனால் கடந்த 2018-19ஆம் நிதியாண்டில் 4.7 சதவிகிதம் அதிகரித்து காணப்பட்டது.

சிமெண்ட்

சிமெண்ட் உற்பத்தியானது ஏப்ரலில் சுமார் 0.8 சதவிகிதம் மட்டுமே உயர்ந்துள்ளது. ஆனால் கடந்த 2018-19ஆம் நிதியாண்டில் ஒட்டுமொத்தமாக சுமார் 13.3 சதவிகிதம் அதிகரித்து காணப்பட்டது குறிப்பிடத்தக்கது.

மின் உற்பத்தி

உள்கட்டமைப்பில் மின் உற்பத்தி மட்டுமே சற்று கூடுதலாக உற்பத்தியானது. கடந்த ஏப்ரலில் மின் உற்பத்தியானது சுமார் 5.8 சதவிகிதம் அதிகரித்திருந்தது. ஒட்டுமொத்தமாக கடந்த 2018-19ஆம் ஆண்டில் 5.2 சதவிகிதம் உயர்ந்திருந்தது. நாட்டின் பொருளாதார வளர்ச்சியோடு தொடர்புடைய தொழில் துறை வளர்ச்சியை (Index of Industrial Production - IIP) தீர்மானிக்கும் 145 காரணிகளில் உள்கட்டமைப்பை உள்ளடக்கிய 8 துறைகளின் பங்கானது 41 சதவிகிதம் என்பது குறிப்பிடத்தக்கதாகும்.