டிரம்பை சந்திக்கும் மோடி

இந்த மாநாட்டில் அர்ஜெண்டினா, ஆஸ்திரேலியா, பிரேசில், கனடா, சீனா, ஐரோப்பிய யூனியன், பிரான்ஸ், ஜெர்மனி, இந்தியா, இந்தோனேசியா, இத்தாலி, ஜப்பான், மெக்சிகோ, ரஷியா, சவுதி அரேபியா, தென் ஆப்பிரிக்கா, தென் கொரியா, துருக்கி, இங்கிலாந்து, அமெரிக்கா உள்ளிட்ட 20 நாடுகளின் தலைவர்கள் கலந்து கொள்கிறார்கள். இதில் இந்தியா சார்பில் பிரதமர் நரேந்திர மோடியும் கலந்துகொள்கிறார். அதோடு இந்த மாநாட்டின் இடையே பிரதமர் நரேந்திர மோடி, அமெரிக்க ஜனாதிபதி டிரம்பை சந்தித்து இரு தரப்பு பேச்சு வார்த்தையும் நடத்துகிறார்.

டிரம்புடன் பேச்சு வார்த்தை நடத்த போகும் மோடி?

இந்தியாவை அமெரிக்கா வர்த்தக முன்னுரிமை நாடுகள் பட்டியலில் இருந்து விலக்கிய விவகாரத்தால், எழுந்துள்ள இரு தரப்பு வரி விதிப்பு பிரச்சினை, விசா விவகாரம், இரு தரப்பு ராணுவ, அரசியல் உறவுகளை வலுப்படுத்துதல் உள்ளிட்டவை குறித்து விவாதிக்க முடிவு செய்யப்பட்டுள்ளதாகவும் தகவல்கள் வெளியாகியுள்ளன.

இந்தியாவுக்கு அமெரிக்கா வெளியுறவு மந்திரி வருகை?

எனினும் ஜப்பானில் நடக்கவிருக்கும் உச்சி மாநாட்டுக்கு முன்னதாக அமெரிக்க வெளியுறவு மந்திரி மைக் பாம்பியோ ஜீன் 25-ம் தேதி இந்தியா வருகிறார் எனவும் செய்திகள் வெளியாகியுள்ளன. மைக் பாம்பியோவின் வருகையின் போது மோடி, டிரம்ப் சந்திப்பின்போது பேச விரும்பும் அம்சங்கள் பற்றி பேசப்படலாம் என்றும் கருதப்படுகிறது.

அமெரிக்கா – சீனா வர்த்தக பிரச்சனை முடிவுக்கு வரலாம்?

இதற்கிடையில் சீன அதிபர் ஜின்பிங் - அமெரிக்கா அதிபர் டிரம்பை சந்திக்கலாம் என்றும் கருதப்படுகிறது. இதனால் ஜி20 மாநாட்டில் அமெரிக்கா சீனாவிடையே நிலவி வரும் பிரச்சனைக்கு தீர்வு காணப்படலாம் என்றும் கருதப்படுகிறது. குறிப்பாக நிலவி வரும் வர்த்தக போர் பற்றி பேசப்படலாம் என்றும் கருதப்படுகிறது. இதனால் இந்த பேச்சு வார்த்தை முடிவுக்கு வரலாம் என்றும் எதிர்பார்க்கப்படுகிறது.