இறக்குமதி செலவு மிச்சமாகும்?

இந்த கூட்டத்தில் கலந்து கொண்டு அனில் அகர்வால் கூறியதில், 5 பொதுத்துறை நிறுவனங்களின் சுரங்களை தனியார் மையம் ஆக்குவதன் மூலம் அரசுக்கு ஆண்டுக்கு 400 பில்லியன் டாலர் மிச்சமாகும் என்றும். இதனால் வேலைவாய்ப்பும் அதிகரிக்கும். அதோடு பொருளாதாரமும் வளர்ச்சியடையும், மேலும் உள்நாட்டு உற்பத்தியும் அதிகரிக்கும் என்றும் என்றும் கூறியுள்ளாராம் அனில் அகர்வால்.

சுரங்க நிறுவனங்கள்?

ஹிந்துஸ்தான் ஜிங்க், ஹிந்துஸ்தான் காப்பர், கோலார் தங்க சுரங்கம், யுரேனியம் கார்ப்பரேஷன் மற்றும் ஷிப்பிங் கார்ப்பரேஷன் ஆப் இந்தியா மற்றும் என்.எம்.டி.சி உள்ளிட்ட நிறுவனங்களை தனியார் மையமாக்க வேண்டும் என்றும் குறிப்பிட்டுள்ளராம்.

ஊழியர்கள் எண்ணிக்கை அதிகரிப்பு

ஹிந்துஸ்தான் ஜிங்க் நிறுவனத்தின் பங்குகளை தான் வாங்கிய போது வெறும் 5000 ஊழியர்கள் மட்டுமே இருந்ததாகவும், தற்போது அந்த நிறுவனத்தில் 25,000 ஊழியர்கள் உள்ளார்கள் என்றும் அனில் அகர்வால் கூறியுள்ளார். அதோடு கடந்த 2002 - 2003ல் வேதாந்தா நிறுவனம், ஹிந்துஸ்தான் ஜிங்க் நிறுவனத்தின் 64.9 சதவிகித பங்குகளை வாங்கியது. மீதமுள்ள 29.5 சதவிகித பங்குகள் மட்டுமே அரசிடம் உள்ளது என்றும் தெரிவித்துள்ளார் அனில் அகர்வால்.

உலோக உற்பத்தியையும் அதிகரிக்க வேண்டும்

அரசு விரைவில் என்ணெய் எரிவாயு மற்றும் தங்கம் உள்ளிட்ட உலோக உற்பத்தியை அதிகரிக்க வேண்டும் என்றும், தற்போது 400 பில்லியன் டாலர் மதிப்பில் இறக்குமதி செய்து கொண்டிருக்கும் இந்தியா, பின்னர் 1 டிரில்லியன் டாலர் இறக்குமதிக்காக கொடுக்க வேண்டி இருக்கும் என்றும் எச்சரித்துள்ளராம்.

சுயாட்சி வழங்க வேண்டும்?

அனைத்து பொதுத்துறை நிறுவனங்களும் சரி, பொதுத்துறை வங்கிகளும் சரி, தானே இயங்கும் அளவுக்கு சுயாட்சியாக செயல்பட்டால் ஒன்று மூன்று மடங்கு சிறப்பாக செயல்படும். ஏனெனில் பொதுத்துறை நிறுவனங்களுக்கு என்ன இல்லை. மிகப்பெரிய ஆற்றலும், அபரீமிதமான திறமையும் உள்ளது. ஆனால் அதன் நிர்வாகிகள் விசாரனைக்கு பயந்தே முடிவு எடுக்க பயப்படுகிறார்கள் என்றும் கூறியுள்ளாராம்.