60% அதிகரிப்பு

ஆக கடந்த ஐந்து வருடங்களில் இந்த Wilful Defaulters-களின் எண்ணிக்கை 60 சதவிகிதம் அதிகரித்திருக்கிறது என நிர்மலா சீதாராமன் எழுத்துப் பூர்வமாக மக்களவையில் பதிலளித்திருக்கிறார். அதோடு ஒவ்வொரு ஆண்டும் எப்படி Wilful Defaulters-களின் எண்ணிக்கை அதிகரித்திருக்கிறது. ஒவ்வொரு நிதி ஆண்டிலும் அரசால் அறிவிக்கப்பட்ட Wilful Defaulters-களின் எண்னிக்கை என்ன என்பதையும் சொல்லி இருக்கிறார்.

எண்ணிக்கை

2014 - 15-ம் ஆண்டில் இருந்து ஒரே அடியாக 60 சதவிகிதம் அளவுக்கு அதிகரிக்கவில்லை. 2014 - 15-ல் 5,349 பேரில் இருந்து 2015 - 16ம் ஆண்டில் 6,575 பேராகவும், 2016 - 17ம் ஆண்டில் 7,079 பேராகவும், 2017 - 18-ம் ஆண்டில் 7,535 பேராகவும் அதிகரித்திருக்கிறார்களாம். ஆக கடந்த ஐந்து ஆண்டிலும் நிலையாக Wilful Defaulters-களின் எண்ணிக்கை அதிகரித்திருக்கிறது என விளக்கமாகவே பதில் கொடுத்திருக்கிறார்.

வங்கி நடவடிக்கை

"தற்போது ஆர்பிஐ சட்டப்படி ஒருவர் Wilful Defaulter-ஆக அறிவிக்கப்பட்டால் எந்த நிதி நிறுவனமும் மேற் கொண்டு கடன் கொடுக்காது. எந்த புதிய பிசினஸையும் தொடங்க முடியாது. பங்கு சந்தைகளிலும் ஈடுபட முடியாது. தன் சொத்துக்களை விற்று வங்கி கடனை எடுத்து கொள்ளச் சொல்லும் Insolvency and Bankruptcy சட்டப்படியான நடவடிக்கைகளில் ஈடுபட முடியாது, வெளிநாட்டுக்கு ஓடினால், Fugitive Economic Offenders Act 2018-ன்படி அவர்களின் சொத்துக்கள் அனைத்தும் பறிமுதல் செய்யப்படும்" என்பதையும் சொல்லி இருக்கிறார். அதோடு கடந்த ஐந்து ஆண்டுகளில் 7,654 கோடி ரூபாய் கடன் தொகையை இந்த Wilful Defaulters-களிடம் இருந்து பொதுத் துறை வங்கிகள் வசூலித்திருப்பதையும் மக்களவையில் சொல்லி இருக்கிறார்.

கடன் மீட்பு நடவடிக்கை

Wilful Defaulters-களுக்கு எதிராக சுமார் 8,120 வழக்குகள் தொடுக்கப்பட்டிருக்கின்றனவாம். அதே போல சொத்துக்களை பிணையாகக் கொடுத்திருக்கும் கடன்களுக்கு SARFAESI சட்டம் மூலம் சொத்துக்களை விற்று கடன் தொகையை மீட்க நடவடிக்கை எடுத்து வருகிறார்களாம். 2,915 பேர் மீது முதல் தகவல் அறிக்கையே தாக்கல் செய்துவிட்டார்களாம். இதை எல்லாம் விட முக்கியமாக 50 கோடி ரூபாய்க்கு மேல் கடன் வாங்கும் நிறுவனத்தின் புரொமோட்டர்கள் wilful defaulter-களானால் அவர்களின் புகைப்படங்களோடு Wilful defaulter-களின் பட்டியலை வெளியிடவும் அனுமதி கொடுத்திருக்கிறார்களாம்.

பாராட்டுக்கள்

Wilful defaulter எண்ணிக்கை அதிகரித்தால், பாஜக அரசில் தான் நிறைய பேர் கடன் வாங்கி ஏமாற்றிவிட்டார்கள் என பொருள் கொள்ள முடியவில்லை. காரணம் 2013-க்குப் பிறகு தான் ரகுராம் ராஜன் ஆர்பிஐ ஆளுநராக பொறுப்புக்கு வந்து வாராக் கடன்களை விரட்டி விரட்டி வசூலிக்கச் சொன்னார். ஆகையால் இப்போது தான் கடனை வேண்டும் என்றே திருப்பிச் செலுத்தாதவர்கள் பெயர்கள் வெளியே வரத் தொடங்கி இருக்கிறது. அந்த விதத்தில் பொதுத் துறை வங்கிகளில் கடன் வாங்கிவிட்டு வேண்டும் என்றே செலுத்தாதவர்கள் மீது கடுமை காட்டும் பாஜக அரசை நிச்சயம் பாராட்ட வேண்டும்.