இ காமர்ஸா..?

பிரமல் குழுமத்தின் செயல்பாட்டு இயக்குநர் ஆனந்த் பிரமல் (இஷா அம்பானியின் கணவர்) தற்போது ஒரு வெளியில் குறிப்பிடாத ஒரு பெரிய தொகையை இந்தியாவின் இ காமர்ஸ் நிறுவனங்களில் ஒன்றான Snapdeal-ல் முதலீடு செய்திருக்கிறாராம். இந்த முதலீடு மூலம் இந்திய இ காமர்ஸ் சூழல் மற்றும் வியாபாரத்தை, பிரமல் நிறுவனம், அளவிடத் தொடங்குவதாக ஊடகங்களில் செய்திகள் வெளியாகி இருக்கின்றன.

டயர் 2 & 3

இந்த முதலீட்டை ஏன் செய்தார் என்பதற்கு "Snapdeal இந்தியாவின் டயர் 2 மற்றும் டயர் 3 நகரங்களில் நன்றாக வளர்ந்து வருகிறது. டயர் 2 & 3 நகரங்களில் வளரும் இணைய பயன்பாட்டாளர்களை முழுமையாக பயன்படுத்தி வருகிறது. சிறு குறு தொழில் முனைவோர்களையும், அவர்களின் வியாபாரத்தையும், தன் Snapdeal வலைதள இ காமர்ஸ் சந்தையைப் பயன்படுத்தி வெற்றி அடையச் செய்வதை தன் இலக்காக வைத்திருக்கும் Snapdeal நிறுவனத்தின் பணி பிரமாதமானது" எனப் பாராட்டி இருக்கிறார்.

எதிர்கால வளர்ச்சி

அதோடு "கடந்த 2017 முதல் Snapdeal நிறுவனத்தின் வருவாய் அதிகரித்து வருகிறது. அதுவும் விற்கும் ஒவ்வொரு பொருளுக்கும் லாபம் கிடைத்திருக்கிறது என்பதும் குறிப்பிடத்தக்கது. இன்னும் இந்தியாவில் கோடிக் கணக்கான இ காமர்ஸ் வாடிக்கையாளர்கள் தங்கள் முதல் இ காமர்ஸ் ஷாப்பிங் செய்யவில்லை. அந்த இடத்தில் Snapdeal தங்கள் வாடிக்கையாளர்களுக்காக நிலை கொண்டு வளர காத்திருக்கிறது" என்கிறார் ஆனந்த் பிரமல்.

நிதி நிலை

இதெல்லாம் போக கடந்த 2018 - 19 நிதி ஆண்டுக்கான முடிவுகளை தில்லாக வெளியிட்டிருக்கிறதது Snapdeal.கடந்த நிதி ஆண்டில் சுமார் 73% தன் வருவாயை பெருக்கி இருக்கிறது. இந்த 2018 - 19 நிதி ஆண்டில் மட்டும், Snapdeal வலைதள பயன்பாட்டாளர்களின் எண்ணிக்கை 2.3 மடங்கு அதிகரித்து 7 கோடி என்கிற எண்ணிக்கையைத் தொட்டிருக்கிறது. Snapdeal வலைதளத்தில் ஷாப்பிங் செய்பவர்களின் எண்ணிக்கையும் 2018 - 19 நிதி ஆண்டி சுமார் 2.2 மடங்கு அதிகரித்திருக்கிறதாம். இதெல்லாம் போக அமேஸான், ஃப்ளிப்கார்ட் என பலரோடு போட்டி போட்டு, தன் இருப்பை மீண்டும் நிலை நிறுத்தி, மீண்டும் லாபம் பார்க்கத் தொடங்கி இருக்கிறது Snapdeal. ஆகையால் தான் ஆனந்த் பிரமலும் இதில் ஒரு தொகையை முதலீடு செய்திருக்கிறார் போல. வாழ்த்துக்கள் Snapdeal.