Mutual funds: இன்றைய தேதிக்கும் நுகர்வுத் துறை ஒரு பெரிய துறையாக வளர்ந்து கொண்டிருக்கிறது. அதற்கு ரிலையன்ஸ் ரீடெயில் போன்ற பெரிய நிறுவனங்கள் இந்தியாவில் புதிதாக் கடை தொடங்கி இருப்பதே சாட்சி. இந்தியாவைப் பொறுத்த வரை நுகர்வுக் கலாச்சாரம் பொருளாதாரத்தை பெரிய அளவில் முன்னெடுத்துச் சென்று கொண்டிருக்கிறது.

ஆக இந்தியாவின் நுகர்வுத் துறை சார் ஈக்விட்டி முதலீடுகளில் மட்டும் முதலீடு செய்யும் மியூச்சுவல் ஃபண்டுகள் இருக்கிறதா..?

இருக்கிறதே. தீம் சார் மியூச்சுவல் ஃபண்டுகளில் நுகர்வு சார் திமெட்டிக் ஃபண்டுகள் இருக்கின்றன.
செபி அமைப்பின் வழி காட்டுதலின் படி, தீம் சார் மியூச்சுவல் ஃபண்ட் வழியாக திரட்டப்படும் பணம், அதன் தீம் சார்ந்த ஈக்விட்டி முதலீடுகளில் மட்டும் 80 சதவிகிதத்துக்கு மேல் முதலீடு செய்து வைத்திருக்க வேண்டும். அப்படி தன் மொத்த நிதியில் (திரட்டிய நிதியில்) 80% வைத்திருந்தால் அது தீம் சார்ந்த திமெட்டிக் மியூச்சுவல் ஃபண்டுகளாகும்.

இவர்கள் தன் 80 சதவிகித நிதியை தங்கள் தீம் சாராத மற்ற ஈக்விட்டிகளில் முதலீடு செய்ய முடியாது. அதையும் மீறி செய்தால் அது செபி விதிமுறைகள் படி குற்றமாகும். எனவே நாம் நினைத்தது போல முழுக்க முழுக்க தங்களின் தீம் சார்ந்த நல்ல முதலீடுகளை தேர்வு செய்து நமக்கு வருமானம் ஈட்டிக் கொடுக்கும் ரக (Mutual funds) மியூச்சுவல் ஃபண்ட் இந்த திமெட்டிக் மியூச்சுவல் ஃபண்டுகள்.

நுகர்வு சார் திமெட்டிக் ஃபண்டுகளில் மட்டும் முதலீடு செய்யும் திமெட்டிக் ஃபண்டுகளில் அதிகபட்சமாக ஆதித்யா பிர்லா சன் லைஃப் இந்தியா ஜென் நெக்ஸ் ஃபண்ட், கடந்த 5 ஆண்டில் 14.25 சதவிகிதம் வருமானம் கொடுத்திருக்கிறது.

அப்படி கடந்த 5 ஆண்டுகளில் மேலே சொன்ன நுகர்வு (Consumption) தீம் சார் திமெட்டிக் (Mutual funds) மியூச்சுவல் ஃபண்டுகள் விவரங்களைக் கீழே அட்டவணையில் கொடுத்திருக்கிறோம். நல்ல ஃபண்டைத் தேர்ந்தெடுத்து முதலீடு செய்யுங்களேன். உங்கள் வசதிக்காக (Mutual funds) மியூச்சுவல் ஃபண்ட்களின் பெயர்களை ஆங்கிலத்திலேயே கொடுத்திருக்கிறோம்.