வியட்ஜெட்

வியட்நாம் நாட்டின் பட்ஜெட் விமானச் சேவை நிறுவனமான வியட்ஜெட் இந்தியாவில் தனது பயணிகள் விமானச் சேவையை விரிவாக்கம் செய்ய முடிவு செய்துள்ளது. வருகிற டிசம்பர் 6ஆம் தேதி முதல் சேவை துவங்க திட்டமிட்டுள்ள வியட்ஜெட் அதற்கான பணிகளைத் தொடர்ந்து செய்து வருகிறது.

முக்கிய நகரங்கள்

Ho Chi Minh நகரத்தில் இருந்து டெல்லிக்கு வாரத்தில் 4 நாட்கள் அதாவது திங்கள், புதன், வெள்ளி மற்றும் ஞயிற்றுக்கிழமைகளிலும், சேவை அளிக்க முடிவு செய்துள்ளது. இதேபோல் ஹனாய் நகரத்தில் இருந்து டெல்லிக்கு டிசம்பர் 7ஆம் தேதி முதல் சேவை துவங்க உள்ளது.

9 ரூபாய்

வியட்ஜெட் அறிமுகச் சேவையாக 3 நாள் புக்கிங் திட்டத்தின் கீழ் ஆகஸ்ட் 20 முதல் 22 வரையிலான காலத்தில் சுமார் 8000 டிக்கெட்களை வெறும் 9 ரூபாய் என்ற அடிப்படை விலைக்கு விற்பனை செய்ய உள்ளது. இந்த 9 ரூபாயை தாண்டி வாட் வரி, விமான நிலைய கட்டணம் மற்றும் இதர கட்டணங்கள் டிக்கெட் விலையில் சேர்க்கப்படும்.

இந்த டிக்கெட்களை வியட்ஜெட் நிறுவனத்தின் இணையதளம் மற்றும் மொபைல் ஆப் மூலமும் புக் செய்யலாம்.

இண்டிகோ

வியட்நாம்- இந்தியா இடையிலான விமானச் சேவையை 2017லேயே அறிமுகம் செய்யத் திட்டமிட்டது வியட்ஜெட். ஆனால் பல்வேறு காரணத்திற்காக இது தடைப்பெற்றது குறிப்பிடத்தக்கது. மேலும் வியட்நாம் நாட்டின் முக்கிய நகரங்களுக்கு ஏற்கனவே இண்டிகோ சேவை அளித்து வரும் காரணத்தால் வியட்ஜெட்-இன் அறிமுகம் இண்டிகோ நிறுவனத்திற்குப் பெரும் போட்டியாக இருக்கும்.