இப்போது தான் சில நிமிடங்களுக்கு முன் இந்தியாவின் நிதி அமைச்சர் நிர்மலா சீதாராமன், கம்பீரமாக வங்கிகள் இணைப்பைப் பற்றிப் பேசினார்.
ஆனால் இப்போது இந்தியப் பொருளாதாரம் குறித்து ஜிடிபி தரவுகள் நமக்கு அதிர்ச்சி கொடுப்பதாக இருக்கின்றன.
2019 - 20 நிதி ஆண்டுக்கான, 2019 ஏப்ரல் - 2019 ஜூன் காலாண்டு காலத்துக்கான, இந்தியாவின் பொருளாதார வளர்ச்சியைக் குறிக்கும் ஜிடிபி வெறும் 5 சதவிகிதம் வளர்ச்சி கண்டு அனைவரையும் ஏமாற்றம் அடையச் செய்து இருக்கிறது.
சரிவு
கடந்த 2018 - 19 நிதி ஆண்டின் மார்ச் 2019 காலாண்டில் இந்தியாவின் பொருளாதார வளர்ச்சியைக் குறிக்கும் ஜிடிபி 5.8 சதவிகிதமாக இருந்தது குறிப்பிடத்தக்கது.
தனியார் நுகர்வில் ஏற்பட்டிருக்கும் சரிவு தான் இந்த 0.8 சதவிகித ஜிடிபி சரிவுக்கு முக்கிய காரணமாக இருக்கிறது. கடந்த 2018 - 19 மொத்த நிதி ஆண்டில் இந்தியப் பொருளாதாரத்தின் ஜிடிபி 6.8 சதவிகிதம் மட்டுமே வளர்ச்சி கண்டு இருக்கிறது.
உற்பத்தி, சுரங்கம், விவசாயம்
துறை வாரியாகப் பார்த்தோமே ஆனால் உற்பத்தித் துறை கடந்த ஜூன் 2018 காலாண்டான ஜூன் 2019-ல் 12.1 சதவிகிதம் அதிகரித்து இருக்கிறது. சுரங்கம் மற்று குவாரி துறை கடந்த ஜூன் 2018 காலாண்டில் ஜிடிபி வளர்ச்சி 0.4 சதவிகிதமாக இருந்தது. ஆனால் இந்த ஜூன் 2019-ல் 2.7 சதவிகிதம் அதிகரித்து இருக்கிறது. விவசாயம், காடு சார்ந்த வேலைகள், மீன் பிடித் தொழில் போன்ற துறைகளில் கடந்த ஜூன் 2018 காலாண்டில் ஜிடிபி வளர்ச்சி 5.1 சதவிகிதமாக இருந்தது. ஆனால் இந்த ஜூன் 2019-ல் 2.0 சதவிகிதம் அதிகரித்து இருக்கிறது.
மின்சாரம் முதல் ஹோட்டல் வரை
மின்சாரம், கேஸ் நீர் பகிர்மானம் மற்றும் பல சேவைகள் துறையில் கடந்த ஜூன் 2018 காலாண்டில் ஜிடிபி வளர்ச்சி 6.7 சதவிகிதமாக இருந்தது. ஆனால் இந்த ஜூன் 2019-ல் 8.6 சதவிகிதம் அதிகரித்து இருக்கிறது. வர்த்தகம், ஹோட்டல்கள், போக்குவரத்து, கம்யூனிகேஷன் போன்ற துறைகளில் கடந்த ஜூன் 2018 காலாண்டில் ஜிடிபி வளர்ச்சி 7.1 சதவிகிதமாக இருந்தது. ஆனால் இந்த ஜூன் 2019-ல் 7.1 சதவிகிதம் அதிகரித்து இருக்கிறது.
கட்டுமானம், நிதி, ரியல் எஸ்டேட்
கட்டுமானத் துறையில் கடந்த ஜூன் 2018 காலாண்டில் ஜிடிபி வளர்ச்சி 9.6 சதவிகிதமாக இருந்தது. ஆனால் இந்த ஜூன் 2019-ல் 5.7 சதவிகிதம் அதிகரித்து இருக்கிறது. நிதி, ரியல் எஸ்டேட் மற்றும் ப்ரொஃபெஷனல் சேவைகள் துறையில் கடந்த ஜூன் 2018 காலாண்டில் ஜிடிபி வளர்ச்சி 6.5 சதவிகிதமாக இருந்தது. ஆனால் இந்த ஜூன் 2019-ல் 5.9 சதவிகிதம் அதிகரித்து இருக்கிறது.