முதல் தனியார் ரயில்.. கட்டணம் இது தான்.. தூள் கிளப்பும் தேஜஸ் எக்ஸ்பிரஸ்!

இந்த தனியார் ரயிலுக்கான பதிவு தொடக்கம்

நாட்டின் முதல் தனியார் ரயிலான இது தற்போது முன்பதிவு செய்ய தொடங்கியுள்ளதாகவும், அக்டோபர் 4ம் தேதி தொடங்கி வைக்கப்பட்டாலும், அதற்கு அடுத்த நாள் இது செயல்படத் தொடங்கும் என்றும் கூறப்பட்டுள்ளது. இது புதுடெல்லி முதல் லக்னோ வரை செல்லும் என்றும், ஏற்கனவே இதற்கான முன்பதிவுகள் தொடங்கப்பட்டுள்ள நிலையில், தற்போது வரை 2,000 மேற்பட்டோர் பதிவு செய்துள்ளதாகவும், மேலும் இதே லக்னோ - டெல்லி வரை செல்லவும் பதிவுகள் தொடங்கப்பட்டுள்ளதாகவும் கூறப்பட்டுள்ளது.

எவ்வளவு கட்டணம்?

இந்த முதல் தனியார் ரயிலில் லக்னோ முதல் டெல்லி வரை ஏசி ஷேர் காருக்கு 1,125 ரூபாய் என்றும், இதே ஏசி எக்ஸ்கியூடிவ் ஷேர் கார் 2,310 ரூபாய் என்றும், இதே வரை டெல்லி - லக்னோ வரை செல்ல ஏசி ஷேர் காருக்கு 1,280 ரூபாய் என்றும், இதே ஏசி எக்ஸ்கியூடிவ் ஷேர் கார் 2,450 ரூபாய் என்றும் கூறப்பட்டுள்ளது. இதே ஏசி ஷேர் காரில் லக்னோ - கான்பூர் வரை 320 ரூபாய் என்றும், இதே ஏசி எக்ஸ்கியூடிவ் ஷேர் கார் 630 ரூபாய் என்றும் கூறப்பட்டுள்ளது.

ஃபிளக்சி கட்டண முறை

இதே லக்னோ - காஸியாபாத் வரை செல்ல ஏசி ஷேர் காருக்கு 1,125, ஏசி எக்ஸ்கியூடிவ் ஷேர் கார் 2,310 ரூபாய் என்றும், இதே டெல்லி - கான்பூர் வரை செல்ல ஏசி ஷேர் காரில் 1,155 ரூபாய் என்றும், 1,125, ஏசி எக்ஸ்கியூடிவ் ஷேர் கார் 2,155 ரூபாய் என்று இருக்கும் என்று அதிகாரிகள் தெரிவித்துள்ளனர் . எனினும் இந்த ரயிலில் ஃபிளக்சி கட்டண முறை இருப்பதால் கட்டண விகிதங்களில் மாற்றம் இருக்கும் என்றும் கூறப்பட்டுள்ளது.

எங்கெங்கு நிறுத்தம்

இந்த தனியார் ரயில் லக்னோ - டெல்லி வரையிலான தூரத்தை 6 மணி நேரம் 15 நிமிடத்தில் கடக்கும் என்றும், எனினும் இது கான்பூர் மற்றும் காஸியாபாத்தில் மட்டும் இந்த ரயில் நிற்கும் என்றும் கூறப்பட்டுள்ளது. தேஜஸ் ரயில் தனது லக்னோவிலிருந்து காலை 6.10க்கு தொடங்கி, மதியம் 12.25க்கு டெல்லியை அடைகிறது. பிறகு புது டெல்லியில் இருந்து 4.30 மணிக்கு புறப்படும் ரயில், இரவு 10.45 மணிக்கு அடையும் என்றும் கூறப்படுகிறது.

உணவு கட்டணம்

இந்த ரயிலில் பயணம் செய்யும் ஏசி ஷேர் கார் மற்றும் ஏசி எக்ஸ்கியூடிவ் ஷேர் கார் இரண்டு உணவு காம்போ உள்ளது என்றும், பயணம் முழுவதும் செய்யும் பயணிக்கு அதாவது லக்னோ முதல் டெல்லி வரை செல்லும் பயணிக்கு, அவர்களின் டிக்கெட் கட்டணத்திலேயே, உணவு கட்டணமும் சேர்த்து வசூலிக்கப்படும் என்றும் கூறப்படுகிறது. குறிப்பாக ஏசி ஷேர் கார் பயணிகளிடமிருந்து ரூ.185ம், இதே ஏசி எக்ஸ்கியூடிவ் ஷேர் கார் பயணியிடமிருந்து ரூ.245 கட்டணமும் வசூலிக்கப்படும் என்றும் கூறப்பட்டுள்ளது. இதே டெல்லி முதல் லக்னோ வரை செல்லும் பயணிகளுக்கு முறையே 340 மற்றும் 380 ரூபாய் வரை வசூலிக்கப்படும் என்றும் கூறப்பட்டுள்ளது.