உற்பத்தி வீழ்ச்சி

பணப்புழக்கம் சரிவால் தேவை குறைவு, பண நெருக்கடி மேலும் நுகர்வு தேவை குறைவால் உற்பத்தி சரிவு இதனால் கடந்த ஜூன் காலாண்டில், ஆறு ஆண்டுகளில் இல்லாத அளவுக்கு மொத்த உள்நாட்டு வளர்ச்சி 5 சதவிகிதமாக வளர்ச்சி கண்டுள்ளது. மேலும் தனியார் நுகர்வு செலவானது 18 மாதங்களில் இல்லாத அளவுக்கு 3.1 சதவிகிதமாக குறைந்தது குறிப்பிடத்தக்கது.

இந்தியா வேகமாக வளர்ந்து வரும் நாடு

மேலும் நடப்பு நிதியாண்டில் இந்தியா வேகமாக வளர்ந்து வரும் நாடுகளில் ஒன்றாக உள்ளது. இந்த நிலையில் பொருளாதாரத்தை மேம்படுத்த இன்னும் பல நடவடிக்கைகளை எடுக்கும், இதனால் இந்தியாவின் பொருளாதாரம் மேலும் மேம்படும் என்றும் ஏடிபி வங்கியின் தலைமை பொருளாதார நிபுனர் யாசுயுகி சவடா கூறியுள்ளார்.

இந்தியாவில் முதலீடுகள் அதிகரிக்கும்

அதிலும் கடந்த செப்டம்பர் 20 அன்று இந்திய அரசு கார்ப்பரேட் வரி விகிதங்களை குறைத்தது. இதனால் தனியார் முதலீடுகள் மற்றும் அன்னிய நேரடி முதலீடுகள் அதிகரிக்கலாம் என்றும் எதிர்பார்க்கப்படுகிறது. இந்த வரி குறைப்பானது இந்திய நிறுவனங்களை உலக அளவில் மேம்படுத்த உதவும் என்றும், இதே வங்கிகளுக்கு மறுமூலதன நிதியளித்துள்ளதால், வங்கி அல்லாத நிதி நிறுவனங்களும் மேம்படும் என்றும், அதே மானிட்டரி பாலிசியின் மூலம் வட்டி விகிதத்தினை குறைப்பது, நிதி நிலைமையை சீராக்கும் என்றும், இது கடன் வழங்குதலை அதிகரிக்கும் என்றும், இது கடன் மற்றும் கட்டமைப்பு துறைகளில் வளர்ச்சியை கொடுக்கு என்றும் கூறப்படுகிறது.

ஏற்றுமதி அதிகரிக்கும்

உலக அளவில் நிகழ்ந்து வரும் பிரச்சனையால் இந்தியாவின் ஏற்றுமதி வளர்ச்சியும் அதிகரிக்கலாம் என்றும் எதிர்பார்க்கப்படுகிறது. இது நடப்பு கணக்கு பற்றாக்குறை 2019 - 2020ம் நிதியாண்டில் 2.2 சதவிகிதமாகவும், இதே 2020ம் நிதியாண்டில் 2.5 சதவிகிதமாக அதிகரிக்கும் என்றும், அமெரிக்கா சீனா இடையே நிலவி வரும் பிரச்சனையால், சீனாவின் பார்வை இந்தியாவின் பக்கம் திரும்பலாம் என்றும் இவ்வங்கி கூறியுள்ளது. எனினும் இந்திய அரசு முதலீடுகளை அதிகரிக்க தொடர்ந்து எடுத்து வரும் முயற்சியால் முதலீடுகள் அதிகரிக்கலாம் என்றும் இவ்வங்கி கூறியுள்ளது.