கிட்டதட்ட இருமடங்கு லாபம்.. ஒரே நாளில் 3% அதிகரித்த பங்கு விலை..!

Subscribe to GoodReturns Tamil
For Quick Alerts
ALLOW NOTIFICATIONS  
For Daily Alerts

பந்தன் வங்கி தனது செப்டம்பர் மாதத்துடன் முடிவடைந்த காலாண்டில், அதன் நிகரலாபமாக 972 கோடி ரூபாயை ஈட்டியுள்ளது. இது முந்தைய ஆண்டு இதே காலாண்டில் 488 கோடி ரூபாயாக இருந்துள்ளது.

இந்த நிலையில் பந்தன் வங்கியின் நிர்வாக இயக்குனரும், தலைமை நிர்வாக அதிகாரியுமான சந்திர சேகர் கோஷ் இது குறித்து கூறியதாவது, கடந்த செப்டம்பர் காலாண்டில் எங்களது செயல்திறன் மிகச் சிறப்பாக உள்ளது. வங்கியில் வைப்புத் தொகை மற்றும் முன்னேற்றங்களில் வலுவான வளர்ச்சி ஏற்பட்டுள்ளது. இதனால் இலாபமும் சாதனை வளர்ச்சியுடன் உள்ளது என்றும் கூறியுள்ளார்.

கிட்டதட்ட இருமடங்கு லாபம்.. ஒரே நாளில் 3% அதிகரித்த பங்கு விலை..!

 

மேலும் நாங்கள் எங்களது தற்போதைய செயல்திறனை கருத்தில் கொண்டு இன்னும் சிறப்பாக அதிக நம்பிக்கையுடன் இருக்கிறோம். அதிலும் வரலாற்று ரீதியாக இரண்டாம் பாதி ஆண்டு எப்போதும் முதல் பாதி ஆண்டை விட சிறப்பாக இருக்கும் என்றும் கூறியுள்ளார்.

இந்த நிலையில் இவ்வங்கியின் டெபாசிட் தொகை 49.26 சதவிகிதம் அதிகரித்து, 49,195 கோடி ரூபாயாக அதிகரித்துள்ளதாகவும், இது முந்தைய ஆண்டில் 32,959 கோடி ரூபாயாக இருந்ததாகவும் கூறப்படுகிறது. இதே கரண்ட் அக்கவுண்ட் சேவிங்ஸ் அக்கவுண்ட் (CASA) 38.69 சதவிகிதம் வளர்ச்சி கண்டும், இது கடந்த ஆண்டு 36.9 சதவிகிதமாக இருந்தது.

இதே கடந்த செப்டம்பர் காலாண்டில் வாராக்கடன் 0.56 சதவிகிதமாகவே உள்ளது. இது கடந்த ஜூன் காலாண்டிலும் 0.56 சதவிகிதமாகவே இருந்துள்ளது. இதே கடந்த ஆண்டு செப்டம்பர் 2018ல் இது 0.69 சதவிகிதமாக இருந்தது என்றும் அறிக்கையில் கூறப்பட்டுள்ளது.

4,000 பேரை வீட்டுக்கு அனுப்ப இருக்கும் வீ வொர்க்..!

இதே வட்டி அல்லாத நிகர வருவாய் 56.96 சதவிகிதம் வளர்ச்சி கண்டு 361 கோடி ரூபாயாக அதிகரித்துள்ளது. இதே முந்தைய ஆண்டு இதே காலாண்டில் 230 கோடி ரூபாயாக இருந்ததும் குறிப்பிடத்தக்கது.

இதே நிகர வட்டி வருவாய் 41.84 சதவிகிதம் அதிகரித்து 1,529 கோடி ரூபாயாக அதிகரித்துள்ளது. இதே முந்தைய ஆண்டு இதே காலாண்டில் 1,078 கோடி ரூபாயாக மட்டுமே இருந்ததுள்ளது குறிப்பிடத்தக்கது. இதே இந்த வங்கியின் செயல்பாட்டு லாபம் 49.66 சதவிகிதமாக அதிகரித்தும் 1,308 கோடி ரூபாயாக அதிகரித்துள்ளதாகவும், இது கடந்த ஆண்டு இதே காலாண்டில் 874 கோடி ரூபாயாக இருந்ததாகவும் கூறப்படுகிறது.

கடந்த செப்டம்பர் 30, 2019 நிலவரப்படி மொத்த வாராக்கடன் 1.76 சதவிகிதமாக உள்ளது என்றும், இதுவே ஜூன் 30, 2019 நிலவரப்படி 2.02 சதவிகிதமாக இருந்ததும் குறிப்பிடத்தக்கது.

தமிழ் குட்ரிட்டன்ஸ் செய்திகளை உடனுக்குடன் படிக்க

English summary

Bandhan Bank profit rises nearly 2 times in sep quarter

Bandhan Bank profit rises nearly 2 times in sep quarter, NPA slightly help to up Rs.972 crore
Story first published: Thursday, October 24, 2019, 14:31 [IST]
Company Search
Thousands of Goodreturn readers receive our evening newsletter.
Have you subscribed?
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X