கால் கிலோ சாக்லேட் 1 லட்சம் ரூபாயா..? பிரம்மாண்டம் காட்டும் ஐடிசி..!

Subscribe to GoodReturns Tamil
For Quick Alerts
ALLOW NOTIFICATIONS  
For Daily Alerts

நம் ஆட்களுக்கு சாக்லேட் என்றாலே டைரி மில்க், ஃபைவ் ஸ்டார் தான் நினைவுக்கு வரும். மிஞ்சி மிஞ்சிப் போனால் பெரிய பட்ஜெட் போட்டு வாங்கப் போகிறோம் என்றால் பார்ன்வில்லி (bournville) தான் இமாலய எல்லை.

மூன்று வேளையும் பீட்ஸா பர்கர் சாப்பிடுபவர்கள் என்றால் கூட பெர்ரெரோ ரோஷர் (ferrero rocher) சாக்லேட்டைத் தாண்டி சிந்திப்பது கடினம் தான். ஆனால் ஐடிசி நிறுவனம், இந்த சாக்லேட் துறையிலேயே ஒரு புதிய மைல்கல்லைத் தொட்டு இருக்கிறது. அப்படி என்ன மைல் கல் எனக் கேட்கிறீர்களா..?

கால் கிலோ சாக்லேட் 1 லட்சம் ரூபாயா..? பிரம்மாண்டம் காட்டும் ஐடிசி..!

 

உலகிலேயே விலை அதிகமான சாக்லேட் என, முறையாக கின்னஸ் புத்தகத்தில் இடம் பிடிக்கும் அளவுக்கு ஒரு காஸ்ட்லியான சாக்லேட்டை தயாரித்து விற்பனை செய்யத் தொடங்கி இருக்கிறது.

அந்த சாக்லேட்டின் பெயர் 'Trinity - Truffles Extraordinaire'. இந்த சாக்லேட்டை தன்னுடைய எலைட் சாக்லேட் பிராண்டான Fabelle Exquisite Chocolates-ன் கீழ் விற்கத் தொடங்கி இருக்கிறது. இந்த சாக்லேட்டை நம்மூர் பேக்கரிகளில் மாஸ்டர்கள் செய்வது போல ஏனோ தானோ எனச் செய்யவில்லை.

உலகிலேயே சமையல் கலையின் நோபல் பரிசாக மதிக்கப்படும் மிஷலின் ஸ்டார் (Michelin Star) வென்ற சமையல் கலைஞர்களை வைத்து இந்த சாக்லேட்டை தயார் செய்து இருக்கிறார்களாம். பிரான்ஸ் நாட்டின் மிஷலின் ஸ்டார் சமையல் கலைஞரான பிலிப்பெ காண்டிசினி (Philippe Conticini) தான் நம்முடைய 'Trinity - Truffles Extraordinaire' காஸ்ட்லி சாக்லேட்டை சமைத்து இருக்கிறாராம். இந்த சாக்லேட்டின் விலை எவ்வளவு தெரியுமா..? ஒரு கிலோ 4.3 லட்சம் ரூபாய். இதை ஐடிசி நிறுவனமும் தன் ஸ்டேட்மெண்டிலேயே அதிகாரபூர்வமாக அறிவித்து இருக்கிறார்கள்.

இந்த 'Trinity - Truffles Extraordinaire' சாக்லேட் 15 கிராம் எடை கொண்ட 15 சாக்லேட்டுகளை, கையால் இழைத்து இழைத்து உருவாக்கப்படும் மரப் பெட்டியில் அடைத்து விற்கிறார்களாம். ஆக 15 * 15 = 225 கிராம் கொண்ட சாக்லேட் பெட்டியின் விலை, ஜிஎஸ்டி எல்லாம் சேர்த்து ஒரு லட்சம் ரூபாயாம். இந்த தீபாவளிக்கு ஒரு லட்சம் ரூபாய்க்கு மேல் போனஸ் வாங்கியவர்கள் இந்த 'Trinity - Truffles Extraordinaire' சாக்லேட்டை வாங்கி சுவைத்துப் பார்த்துச் சொல்லுங்கள். முடிந்தால் எங்களுக்கும் ஒரு பீஸ் கொடுங்களேன். எம்மாடியோ ஒரு பீஸ் சாக்லேட்டின் விலையே 6,666 ரூபாயா..?

தமிழ் குட்ரிட்டன்ஸ் செய்திகளை உடனுக்குடன் படிக்க

English summary

ITC launches world' most expensive chocolate 225 gram cost Rs 100000

Indian FMCG conglomerate ITC launched the worlds most costliest chocolate called 'Trinity - Truffles Extraordinaire'. This chocolate cost Rs.1 lakh for 225 gram box.
Story first published: Friday, October 25, 2019, 14:44 [IST]
Company Search
Thousands of Goodreturn readers receive our evening newsletter.
Have you subscribed?