லாபத்தைக் கொடிட்கொடுத்த அதானி.. ஓரே வருடத்தில் 140 சதவீதம் லாபம்..!

அதானி குழுமத்தின் எஃப்எம்சிஜி நிறுவனமான அதானி வில்மர், 2022 ஆம் ஆண்டில் ஐபிஓ வெளியிட்டு மிகப்பெரிய லாபத்தை அள்ளிக்கொடுத்த முக்கிய நிறுவனமாக உருவெடுத்துள்ளது.

இந்த நிலையில் எஃப்எம்சிஜி பிரிவில் வேகமாக வளர்ச்சி அடைந்து வரும் அதானி வில்மர் 2 நாட்களில் பேக்-டு-பேக் அப்பர் சர்க்யூட்டைத் தொட்டு வருவதால்.

இந்த வாரத்தின் அதிக லாபத்தைக் கொடுத்த முக்கிய நிறுவனங்கள் பட்டியலில் சேர்ந்துள்ளது.

அதானி வில்மர்

செவ்வாய்க்கிழமை வர்த்தகத்தில் அதானி வில்மர் நிறுவனத்தின் பங்கு மதிப்பு 5% அப்பர் சர்க்யூட் அளவீட்டைத் தொட்டது. அதன் ஐபிஓ வெளியீட்டு விலையுடன் ஒப்பிடுகையில், இன்று வரையில் அதானி வில்மர் பங்குகள் கிட்டத்தட்ட 140 சதவீதம் உயர்ந்துள்ளது. இதன் மூலம் ஐபிஓ வெளியிட்டு ஒரு வருடத்திற்குள் அதானி வில்மர் மல்டி பேக்கர் ஆக மாறியுள்ளது.

அப்பர் சர்க்யூட்

செவ்வாய்க்கிழமை வர்த்தகத்தில், அதானி வில்மர் பங்குகள் 5% அப்பர் சர்க்யூட்டில் முடிந்த நிலையில் ஒரு பங்கு விலை 550.85 ரூபாயாக உயர்ந்துள்ளது. இதன் மூலம் மும்பை பங்குச்சந்தையில் இதன் சந்தை மதிப்பு கிட்டத்தட்ட 71,593 கோடி ரூபாயாக உயர்ந்துள்ளது. திங்கட்கிழமை 5 சதவீதம் அப்பர் சர்க்யூட் அளவீட்டைத் தொட்டு 524.65 ரூபாயாக இருந்தது.

10 சதவீத வளர்ச்சி

அதானி வில்மர் பங்கு இந்தத் திங்கட்கிழமை வர்த்தகம் முதல் அதன் 8 நாள் தொடர் நஷ்டத்தை நிறுத்தியுள்ளது. டிசம்பர் 9 முதல் 23 வரையிலான காலகட்டத்தில் மும்பை பங்குச்சந்தையில் அதானி வில்மார் பங்குகள் கிட்டத்தட்ட 24 சதவீதம் சரிந்தன. இருப்பினும், டிசம்பர் 26-27 முதல், அதானி வில்மார் பங்குகள் சுமார் 10% க்கும் அதிகமான உயர்வை பதிவு செய்த காரணத்தால் இழப்புகளின் அளவு டிசம்பர் மாதம் குறைந்துள்ளது.

17.37 மடங்கு சப்ஸ்கிரிப்ஷன்

அதானி வில்மர் தனது ஐபிஓவை ஜனவரி 27 முதல் 31 ஆம் தேதி வரை வெளியிட்டது, மேலும் இந்த ஐபிஓ கடைசி நாளில் 17.37 மடங்கு அதிகச் சப்ஸ்கிரிப்ஷனை பெற்றது. இந்நிறுவனம் ஒரு பங்கின் விலையை 218-230 ரூபாய் என நிர்ணயித்தது குறிப்பிடத்தக்கது.

தள்ளுபடி விலை

அதானி வில்மர் தனது ஐபிஓ வெளியீட்டு விலையுடன் ஒப்பிடும்போது தள்ளுபடி விலையில் தான் பிப்ரவரி 8 ஆம் தேதி பங்குச் சந்தைகளில் பட்டியலிட்டது. ஆயினும் தற்போது 140 சதவீதம் வளர்ச்சி அடைந்துள்ளது.

தள்ளுபடி விலை

அதானி வில்மர் ஐபிஓ முடிந்ததும் பிஎஸ்இயில் ஒரு பங்குக்கு 221 ரூபாய்க்கு அறிமுகமானது, அதே நேரத்தில் என்எஸ்இயில் ஒரு பங்கு 227 ரூபாய்க்குப் பட்டியலிடப்பட்டது. ஒரு பங்குக்கு 230 ரூபாய்க்கு ஐபிஓ-வில் அறிமுகம் செய்யப்பட்ட நிலையில் bse, nse-யில் தள்ளுபடியில் தான் விற்பனை.