மாஸ் காட்டும் இந்தியர்கள்.. 1 டிரில்லியன் டாலர் வருவாய், 36 லட்சம் வேலைவாய்ப்பு..!

இந்தியர்கள்

இந்திய வம்சாவளியைச் சேர்ந்த 58 இந்தியர்கள் அமெரிக்கா, கனடா, சிங்கப்பூர், பிரிட்டன் உட்பட 11 நாடுகளில் பல்வேறு துறை சார்ந்த நிறுவனங்களில் தலைமை பொறுப்பில் இருப்பதாகவும், இவர்கள் தலைமை வகிக்கும் நிறுவனத்தில் சுமார் 36 லட்சம் வேலைவாய்ப்புகளை உருவாக்கியுள்ளனர்.

இதுமட்டும் அல்லாமல் இந்த 58 இந்தியர்கள் தலைமை வகிக்கும் நிறுவனங்களின் மொத்த வருவாய் 1 டிரில்லியன் டாலர், நிறுவனங்களின் மொத்த சந்தை மதிப்பு 4 டிரில்லியன் டாலர் என Indiaspora ஆய்வறிக்கை கூறுகிறது.

10 சதவீதம்

மேலும் இந்த 58 இந்தியர்கள் தலைமை வகிக்கும் நிறுவனங்கள் வருடத்திற்குச் சராசரியாக 23 சதவீத லாபத்தையும், அமெரிக்காவின் S&P 500 பிரிவில் சிறந்து விளங்கும் நிறுவனங்களில் 10 சதவீதம் இவர்களின் கையில் தான் உள்ளது என்றும் Indiaspora ஆய்வறிக்கை கூறுகிறது.

எம்ஆர் ரங்கசுவாமி

சர்வதேச வர்த்தகச் சந்தையில் இந்தியர்களின் ஆதிக்கம் முக்கியத்துவம் வாய்ந்தது, இதை அறிந்துகொண்ட பின்பு தான் Indiaspora என்கிற அமைப்பைத் துவங்கினோம். மேலும் இந்த வெளிநாட்டு நிறுவனங்களில் தலைமை வகிக்கும் இந்தியர்கள் எண்ணிக்கை தொடர்ந்து அதிகரிக்க வேண்டும் என்றும், இந்தியாவையும், உலகையும் நல்ல வழியில் மாற்றும் முக்கியச் சக்தியாக இந்தியர்கள் இருக்கும் வேண்டும் என்று Indiaspora அமைப்பின் நிறுவனர் எம்ஆர் ரங்கசுவாமி தெரிவித்துள்ளார்.

டெக் துறை மட்டுமல்ல

இந்தியர்கள் டெக் துறையில் மட்டும் தான் சிறந்து விளங்குகின்றனர் என்பது இந்த 58 இந்தியர்களின் சாதனை உடைந்துள்ளது. இந்தியர்கள் டெக் துறையில் மட்டும் அல்லாமல் வங்கியியல், எலக்ட்ரானிக்ஸ், நுகர்வோர் பொருட்கள், கண்சல்டிங் ஆகிய துறைகளிலும் சிறந்து விளங்குகின்றனர்.

5 பெண்கள்

Fortune 500 நிறுவன பட்டியலில் வெறும் 61 பெண் தலைவர்கள் மட்டுமே இருப்பது போல் இந்த 58 இந்தியத் தலைவர்கள் பட்டியலில் 5 பெண் தலைவர்கள் மட்டுமே உள்ளனர்.