அரசு ஊழியர்களுக்கு ஜாக்பாட் தான்.. செப்டம்பர் மாத சம்பளத்தில் எவ்வளவு அதிகரிப்பு.. !

செப்டம்பரில் டபுள் போனஸ்

ஏனெனில் பல ஆண்டு காத்திருப்புக்கு பிறகு, மத்திய அரசு ஊழியர்கள் இப்போது அடிப்படை சம்பளத்தில் 28% அகவிலைப்படியை பெற்றுள்ளனர். இதனுடன் ஊழியர்களின் HRAம் அதிகரித்துள்ளது. ஆக ஊழியர்களின் செப்டம்பர் மாத சம்பளம் டபுள் போனஸாக வரலாம் என எதிர்பார்க்கப்படுகிறது.

அகவிலைப்படி + வீட்டு வாடகை கொடுப்பனவு

மத்திய அரசு வீட்டு வாடகை கொடுப்பனவை விதிகளின் படி 27% ஆக உயர்த்தியுள்ளது. ஏற்கனவே ஜூலை 1 முதல், அகவிலைப்படி 28% ஆக அதிகரித்துள்ளது குறிப்பிடத்தக்கது. இதனால் சம்பளம் கணிசமான அளவு உயர்ந்துள்ளது. அரசு தரவுகளின் படி, HRA விகிதம், நகரங்களின் படி மூன்று வகைகளாகப் பிரிக்கப்பட்டுள்ளது.

யாருக்கு எவ்வளவு வீட்டு வாடகை கொடுப்பனவு?

மூன்று வகையாக பிரிக்கப்பட்டுள்ள X, Y மற்றும் Z பிரிவுகளில், திருத்தத்திற்குப் பிறகு, X வகை நகரங்களுக்கான HRA அடிப்படை ஊதியத்தில் 27% ஆக இருக்கும், அதேபோல் Y வகை நகரங்களுக்கான HRA அடிப்படை ஊதியத்தில் 18% ஆக இருக்கும், இதே Z வகை நகரங்களுக்கு அடிப்படை ஊதியத்தில் 9% இருக்கும்.

குறைந்தபட்ச HRA

ஒரு நகரத்தின் மக்கள் தொகை 5 லட்சத்தை தாண்டினால் அது Z பிரிவில் இருந்து Y வகையாக மேம்படுத்தப்படும். அதாவது, 9%க்கு பதிலாக, 18% HRA கிடைக்கும். 50 லட்சத்திற்கும் அதிகமான மக்கள் தொகை கொண்ட நகரங்கள் X பிரிவில் அடங்கும். மூன்று பிரிவுகளுக்கும் குறைந்தபட்ச வீட்டு வாடகை கொடுப்பனவு 5400, 3600 மற்றும் 1800 ரூபாயாகும்.

எவ்வளவு அதிகரிக்கும்

7 வது சம்பள கமிஷனின் படி, மத்திய அரசு ஊழியர்களின் குறைந்தபட்ச அடிப்படை சம்பளம் 18,000 ரூபாயாகும். இதனுடன் ஜூலை 2021 முதல், 28% அகவிலைப்படி ஒவ்வொரு மாதமும் 5040 ரூபாய் பெறத் தொடங்கியுள்ளனர். ஒட்டுமொத்தமாக குறைந்தபட்ச அகவிலைப்படி உயர்வு 5040 ரூபாயாகவும், குறைந்தபட்ச HRA அதிகரிப்பு ஒவ்வொரு மாதமும் 1800 ரூபாயாகவும் இருக்கும். அதாவது செப்டம்பரில் வரும் சம்பளம் 6840 (5040 + 1800) ரூபாய் அதிகரிக்கும் என கணிக்கப்பட்டுள்ளது.

எனினும் இந்த அதிகரிப்பானது கொரோனா காரணமாக நீண்டகால காத்திருப்புக்கு பின்னர் ஊழியர்களுக்கு கிடைத்துள்ளது. அதுவும் தீபாவளிக்கு முன்னதாக கிடைத்துள்ளது தீபாவளிக்கு டபுள் போனஸ் எனலாம்.