பிக்சட் டெபாசிட்டிற்கு 8.35 சதவீதம் வட்டியா? அரசு நிறுவனம் தரும் அதிரடி சலுகை!

பிக்சட் டெபாசிட் முதலீடு என்பது அனைவருக்கும் ஏற்றது என்பதும் ரிஸ்க் இல்லாமல் நமது முதலீட்டின் பாதுகாப்பிற்கு பிக்சட் டெபாசிட் உகந்தது என்பது என்ற கருத்து பலருக்கும் உள்ளது என்பதும் குறிப்பிடத்தக்கது.

ஆனால் அதே நேரத்தில் அரசு மற்றும் தனியார் நிறுவனங்கள் பிக்சட் டெபாசிட் முதலீட்டிற்கு அதிகபட்சமாக 6 முதல் 7 சதவீதம் வட்டி மட்டுமே தருகின்றன.

இந்த நிலையில் கேரள அரசு நிறுவனம் ஒன்று பிக்சட் டெபாசிட் முதலீட்டிற்கு 8.35 சதவீதம் வரை வட்டி தருவதாக வெளியாகியுள்ள அறிவிப்பு அனைவருக்கும் ஆச்சரியத்தை ஏற்படுத்தி உள்ளது.

பிக்சட் டெபாசிட்

இந்தியாவில் முதலீட்டாளர்களுக்கு பிக்சட் டெபாசிட் முதலீடு என்பது ஒரு பிரபலமான முதலீட்டு விருப்பமாகும். ஏனெனில் பிக்சட் டெபாசிட்டில் முதலீடு செய்யப்படும் பணம் ஒரு குறிப்பிட்ட காலத்தில் ஒரு நிலையான விகிதத்தில் வருமான கிடைக்க பெறுகிறது. பல தனியார், பொது மற்றும் அரசாங்க நிறுவனங்கள் முதலீட்டாளர்களுக்கு நியாயமான வட்டியை பிக்சட் டெபாசிட்களுக்கு வழங்குகின்றன.

பிக்சட் டெபாசிட் வகைகள்

பிக்சட் டெபாசிட் முதலீட்டில் பல வகைகள் உள்ளன. வரி சேமிப்பு பிக்சட் டெபாசிட், மூத்த குடிமக்கள் பிக்சட் டெபாசிட், ரெகுலர் சிட்டிசன் பிக்சட் டெபாசிட் ஆகியவை அடங்கும். பொதுவாக பிக்சட் டெபாசிட் முதலீட்டிற்கு அதிகபட்ச 7 சதவீதம் மட்டுமே வட்டி வழங்கப்படும் நிலையில் கேரள அரசு நிறுவனம் ஒன்று பிக்சட் டெபாசிட் முதலீட்டிற்கு 8.35 சதவீதம் வரை வட்டி தருகிறது.

KTDFC நிறுவனம்

கேரளா டிரான்ஸ்போர்ட் டெவலப்மென்ட் ஃபைனான்ஸ் கார்ப்பரேஷன் லிமிடெட் நிறுவனம் பிக்சட் டெபாசிட் முதலீட்டிற்கு அதிகபட்சமாக 8.35 சதவீத வருடாந்திர வட்டி விகிதங்களை வழங்குகிறது. கேரள அரசால் உத்தரவாதம் அளிக்கப்பட்ட இந்த பிக்சட் டெபாசிட் திட்டத்தில் உங்கள் நிதி ஆலோசகரிடம் ஆலோசித்து முதலீடு செய்யலாம். இனி KTDFC நிறுவனம் சாதாரண குடிமக்கள் மற்றும் மூத்த குடிமக்களுக்கு தரும் வட்டி விகிதம் குறித்து தற்போது பார்ப்போம்.

சாதாரண குடிமக்களுக்கான வட்டி விகிதம்

1 ஆண்டு வரையிலான பிக்சட் டெபாசிட்டிற்கு 7 சதவீத வட்டி விகிதம் மற்றும் 7.23 சதவீத வருடாந்திர வருமானம் பெறலாம்.

2 ஆண்டு வரையிலான பிக்சட் டெபாசிட்டிற்கு 7 சதவீத வட்டி விகிதம் மற்றும் 7.49 சதவீத வருடாந்திர வருமானம் பெறலாம்.

3 ஆண்டு வரையிலான பிக்சட் டெபாசிட்டிற்கு 7 சதவீத வட்டி விகிதம் மற்றும் 7.76 சதவீத வருடாந்திர வருமானம் பெறலாம்.

4 ஆண்டு வரையிலான பிக்சட் டெபாசிட்டிற்கு 6.75 சதவீத வட்டி விகிதம் மற்றும் 7.72 சதவீத வருடாந்திர வருமானம் பெறலாம்.

5 ஆண்டு வரையிலான பிக்சட் டெபாசிட்டிற்கு 6.75 சதவீத வட்டி விகிதம் மற்றும் 8.00 சதவீத வருடாந்திர வருமானம் பெறலாம்.

மூத்த குடிமக்களுக்கான வட்டி விகிதம்

1 ஆண்டு வரையிலான பிக்சட் டெபாசிட்டிற்கு 7.25 சதவீத வட்டி விகிதம் மற்றும் 7.50 சதவீத வருடாந்திர வருமானம் பெறலாம்.

2 ஆண்டு வரையிலான பிக்சட் டெபாசிட்டிற்கு 7.25 சதவீத வட்டி விகிதம் மற்றும் 7.78 சதவீத வருடாந்திர வருமானம் பெறலாம்.

3 ஆண்டு வரையிலான பிக்சட் டெபாசிட்டிற்கு 7.25 சதவீத வட்டி விகிதம் மற்றும் 8.07 சதவீத வருடாந்திர வருமானம் பெறலாம்.

4 ஆண்டு வரையிலான பிக்சட் டெபாசிட்டிற்கு 7.00 சதவீத வட்டி விகிதம் மற்றும் 8.05 சதவீத வருடாந்திர வருமானம் பெறலாம்.

5 ஆண்டு வரையிலான பிக்சட் டெபாசிட்டிற்கு 7.00 சதவீத வட்டி விகிதம் மற்றும் 8.35 சதவீத வருடாந்திர வருமானம் பெறலாம்.

ரிசர்வ் வங்கி சான்றிதழ்

KTDFC என்பது கேரள அரசுக்கு முழுமையாகச் சொந்தமான, வங்கி சாரா நிதி நிறுவனம் ஆகும். இந்திய ரிசர்வ் வங்கி வழங்கிய பதிவுக்கான சட்டப்பூர்வ சான்றிதழை பெற்றுள்ள நிறுவனம் என்பது குறிப்பிடத்தக்கது.