இனி ஆதார் பதிவு எண்ணை பயன்படுத்த தடை.. பட்ஜெட்டில் வெளியான முக்கிய அறிவிப்பு இதுதான்!

2024-ஆம் ஆண்டு பட்ஜெட்டில், ஆதார் எண்ணுக்கு பதிலாக ஆதார் பதிவு எண்ணை (Aadhaar Enrolment ID) பயன்படுத்துவதற்கான வசதி நிறுத்தி வைக்கப்படுவதாக அறிவிக்கப்பட்டுள்ளது. நிர்மலா சீதாராமன் நேற்று தனது 7-வது பட்ஜெட்டை தாக்கல் செய்தார். இந்நிலையில் ஆதார் நம்பர் குறித்த அறிவிப்புகள் வெளியாகியுள்ளது. மோசடியைத் தடுக்கும் விதமாக ஆதார் பதிவு எண்ணை, இனி பான் கார்டு பெற பயன்படுத்தக் கூடாது என்ற அறிவிப்புகள் வெளியாகியுள்ளது.

இந்த மாற்றம் எப்போது அமலுக்கு வரும்?: இந்த திருத்தம் 2024-ஆம் ஆண்டு அக்டோபர் 1-ஆம் தேதி முதல் நடைமுறைக்கு வரும் என்று எதிர்பார்க்கப்படுகிறது.

குழந்தைகளுக்கான புதிய தேசிய ஓய்வூதிய திட்டம்: 2024-ஆம் ஆண்டு பட்ஜெட்டில் குழந்தைகளுக்கான புதிய தேசிய ஓய்வூதிய திட்டம் (NPS) அறிவிக்கப்பட்டுள்ளது. பெற்றோர் தங்கள் குழந்தைகளுக்கு ஓய்வூதிய திட்டத்தைத் தொடங்கி வைக்கலாம். இதை பெற்றோர்கள் தங்களுடைய பெயரிலேயே தொடங்கலாம். அதன் பின் அவர்கள் மேஜரானதும், அவர்களுடைய பெயருக்கு மாற்றியமைக்கப்படும்.

ஆதார் பதிவு எண்ணை பயன்படுத்துவதற்கான தற்போதைய விதி: 2017-ஆம் ஆண்டு முதல், ஆதார் எண் இல்லாதவர்கள் பான் கார்டு விண்ணப்பிக்கும் போது அல்லது வருமான வரி தாக்கல் செய்யும் போது ஆதார் பதிவு எண்ணை பயன்படுத்தலாம் என்ற விதி இருந்தது.

இந்த விதி ஏன் நீக்கப்பட்டது?: 2017-ஆம் ஆண்டு முதல் ஆதார் பதிவு எண்ணை பயன்படுத்தும் வசதி அறிமுகப்படுத்தப்பட்டது. ஆனால், தற்போது இந்தியாவில் பெரும்பாலான மக்களுக்கு ஆதார் எண் இருப்பதால், ஆதார் பதிவு எண்ணை பயன்படுத்தும் வசதியை நீக்குவது அவசியம்.

ஏனெனில் போலியான பான் கார்டு பெற்று சிலர் ஐடிஆர் தாக்கல் செய்யது ஏமாற்ற முயற்சிக்கின்றனர். இந்த காரணத்தினால் தற்போது இந்த விதி கொண்டுவரப்பட்டுள்ளது.

மேலும் ஆதார் பதிவு எண்ணை வைத்து பான் கார்டு பெற விண்ணப்பித்தவர்கள், குறிப்பிட்ட தேதியில் தங்களுடைய ஆதார் நம்பர் வந்ததும், ஆதார் எண்ணை தெரிவிக்க வேண்டும்.

ஆதார் என்றால் என்ன?: ஆதார் என்பது 12 இலக்க தனிப்பட்ட அடையாள எண்ணாகும், இது இந்தியாவில் வசிப்பவர்களுக்கு அடையாளச் சான்றாகவும் முகவரிச் சான்றாகவும் செயல்படுகிறது. ஆதார் பதிவு ஐடி (EID) என்பது ஒவ்வொரு ஆதார் விண்ணப்பதாரருக்கும் ஒதுக்கப்படும் 28 இலக்க தனிப்பட்ட அடையாள எண்ணாகும்.

ஆதார் பதிவு ஐடியை எவ்வாறு கண்டுபிடிப்பது?:

ஸ்டெப் 1: UIDAI இணையதளத்தைப் பார்வையிடவும்

ஸ்டெப் 2: "My Aadhaar" என்பதன் கீழ், உள்ள EID/UID-ஐக் கிளிக் செய்யவும்.

ஸ்டெப் 3: ஆதார் நம்பரை என்டர் செய்யவும்.

ஸ்டெப் 4: மொபைல் எண் மற்றும் மின்னஞ்சல் ஐடியுடன் விண்ணப்பத்தின்படி உங்கள் முழுப் பெயரை என்டர் செய்யவும்.

ஸ்டெப் 5: கேப்ட்சா குறியீட்டை என்டர் செய்து, "Send OTP" என்பதைக் கிளிக் செய்யவும்

ஸ்டெப் 6: OTP-ஐ என்டர் செய்யவும். EID விவரங்கள் உங்கள் பதிவு செய்யப்பட்ட மொபைல் எண்ணிற்கு அனுப்பப்படும்.

இல்லையெனில், உங்கள் பதிவு ஐடியை மீட்டெடுக்க, UIDAI-இன் 1947என்ற ஹெல்ப்லைன் நம்பருக்கு அழைக்கலாம்.