சுத்தி சுத்தி அடிவாங்கும் கௌதம் அதானி.. விடாது துரத்தும் பிரச்சனைகள்..!!

இந்தியாவின் பெரும் தொழிலதிபரான கௌதம் அதானி தலைமை வகிக்கும் அதானி குழுமம் 2023 ஆம் ஆண்டுத் துவக்கம் முதல் பல்வேறு பிரச்சனைகளை எதிர்கொண்டு வருகிறது. ஹிண்டன்பர்க் ரிசர்ச் அறிக்கை வெளியானதில் இருந்து பல பிரச்சனைகளை எதிர்கொண்டது.

இப்படியிருக்கையில் சுப்ரீம் கோர்ட் உத்தரவின் பெயரில் செபி துவங்கிய விசாரணை நடத்தப்பட்டு அறிக்கை சமர்ப்பிக்கப்பட்டு இருக்கும் வேளையில், இதில் முக்கியம் விஷயங்கள் இருப்பதாகக் கூறப்படும் வேளையில் கௌதம் அதானி-க்கு முக்கியமான பிரச்சனை வந்துள்ளது.

அதானி குழும நிறுவனங்களான அதானி கிரீன் எனர்ஜி மற்றும் அதானி எனர்ஜி சொல்யூஷன்ஸ் ஆகியவற்றில் தனது முதலீட்டை விற்க திட்டமிட்டுள்ளதாக அபுதாபி நாட்டைத் தலைமையிடமாகக் கொண்டு இயங்கி வரும் இன்டர்நேஷனல் ஹோல்டிங் கோ நிறுவனம் வியாழக்கிழமை தெரிவித்துள்ளது.

அதானி நிறுவன பங்குகளை விற்க முக்கியமான காரணமாக, இன்டர்நேஷனல் ஹோல்டிங் கோ நிறுவனம் தனது ஒட்டுமொத்த போர்ட்ஃபோலியோ மூலோபாயத்தை மறுசீரமைக்கும் திட்டத்தைக் கையில் எடுத்திருக்கும் காரணத்தால் இதன் ஒரு பகுதியாக விற்கப்பட உள்ளது என IHC தெரிவித்துள்ளது.

இன்டர்நேஷனல் ஹோல்டிங் கோ நிறுவனத்தின் துணை நிறுவனங்களான கிரீன் எனர்ஜி இன்வெஸ்ட்மென்ட் ஹோல்டிங் ஆர்எஸ்சி மற்றும் க்ரீன் டிரான்ஸ்மிஷன் இன்வெஸ்ட்மென்ட் ஹோல்டிங் ஆர்எஸ்சி ஆகியவை ஏற்கனவே தங்கள் பங்குகளை விற்க புதிய பையர் அதாவது வாங்குபவரைத் தேர்வு செய்து இதற்கான ஒப்பந்தங்களைச் செய்துள்ளதாகத் தெரிவித்துள்ளது.

ஜூன் மாத இறுதியில் வெளியான தகவல் படி அதானி எனர்ஜி சொல்யூஷன்ஸ் நிறுவனத்தில் IHC நிறுவனத்தின் கிரீன் டிரான்ஸ்மிஷன் இன்வெஸ்ட்மென்ட் ஹோல்டிங் 1,56,82,600 பங்குகள் இது மொத்த பங்குகளில் சுமார் 1.4% பங்குகளாகும். இதேபோல் அதானி கிரீன் எனர்ஜி நிறுவனத்தில் கிரீன் எனர்ஜி இன்வெஸ்ட்மென்ட் ஹோல்டிங் 2,00,18,198 பங்குகள் இது மொத்த பங்குகளில் சுமார் 1.3% பங்குகளாகும்.

இதை IHC நிறுவனம் 2022 ஆம் ஆண்டில் சுமார் 2 பில்லியன் டாலர் தொகையை அதானி கிரீன் எனர்ஜி, அதானி எனர்ஜி சொல்யூஷன்ஸ் மற்றும் அதானி எண்டர்பிரைசஸ் ஆகியவற்றில் முதலீடு செய்தது. தற்போது அதானி கிரீன் எனர்ஜி, அதானி எனர்ஜி சொல்யூஷன்ஸ் பங்குகள் IHC மற்றொரு நிறுவனத்திற்கு விற்கப்படும் வேளையில் பொதுச் சந்தைக்கு வராது.

ஆனால் நாளை வர்த்தகத்தில் தானி கிரீன் எனர்ஜி, அதானி எனர்ஜி சொல்யூஷன்ஸ் மற்றும் அதானி எண்டர்பிரைசஸ் பங்குகள் முதலீட்டாளர்களின் முக்கியக் கவனத்தைப் பெற உள்ளது. இன்று 2.5 லட்சம் கோடி ரூபாய் மதிப்பிலான சந்தை முதலீட்டை இழந்த பங்குச்சந்தை முதலீட்டாளர்களுக்கு நாளையும் விஷ பரிச்சையாகவே இருக்கும்.