அதானி குழுமம் மெகா திட்டம்: தாமரை வடிவத்தில் மும்பை புதிய விமான நிலையம், 2 பில்லியன் டாலர் பணம்..!

மும்பை: சீனாவை மிஞ்சும் வகையில் பிரதமர் நரேந்திர மோடி எடுத்துவரும் பல்வேறு நடவடிக்கைகளின் ஒரு பகுதியாக மகாராஷ்டிர மாநிலத்தின் நவி மும்பையில் அமையவிருக்கும் புதிய விமான நிலையத் திட்டமும் உள்ளது.

அதானி குழுமத்தின் கீழ் 2.1 பில்லியன் டாலர் மதிப்பிலான சாட்டிலைட் நவி மும்பையில் இந்த விமான நிலையம் அமையவுள்ளது. மும்பையில் இப்போது உள்ள விமான நிலையம்
82 ஆண்டுகளுக்கு முன்பு திறக்கப்பட்டதாகும்.

மும்பையின் மோசமான போக்குவரத்து நெரிசல் மிகுந்த விமான நிலையத்துக்கு துணையாக இந்த நவி மும்பை விமான நிலையம் அமைய உள்ளது. மும்பை விமான நிலையத்தின் தென்கிழக்கே சுமார் 22 மைல் தொலைவில் புதிய விமான நிலையத்தை அமைப்பதற்கு அங்குள்ள சிறிய மலைக்குன்றுகளை தொழிலாளர்கள் தகர்த்து வருகின்றனர்.

இந்தியாவின் தேசிய மலரைப் போலவே தாமரை வடிவமைப்பை இந்த விமான நிலையம் கொண்டிருக்கும் எனக் கூறப்படுகிறது. தாமரை மோடியின் பாஜக கட்சியின் சின்னமும் ஆகும்.

இந்தப் புதிய விமான நிலையம், ஆண்டுக்கு 20 மில்லியன் பயணிகளை ஏற்றிச் செல்லும் வகையில் அடுத்த ஆண்டு மார்ச் மாதம் செயல்படத் தொடங்கும். , 2032 ஆம் ஆண்டுக்குள் அது 90 மில்லியனாக உயரும்.

துபாய், லண்டன், பிராங்ஃபர்ட், சிங்கப்பூர் போன்ற உலகின் பரபரப்பான சில விமான நிலையங்களுக்கு இணையாக சர்வதேச போக்குவரத்து மையமாக நவி மும்பை விமான நிலையம் ஒரு சரியான போட்டியாக இருக்கும்.

புவியியல் ரீதியாக, இந்தியா மிகவும் சாதகமான சூழ்நிலையில் அமைந்துள்ளது. 12 மணி நேரத்துக்குள் நீங்கள் எந்த நாட்டுக்கும் பறந்து சென்று விடலாம் என்று அதானி ஏர்போர்ட் ஹோல்டிங்ஸ் லிமிடெட் தலைமை நிர்வாக அதிகாரி அருண் பன்சால் கூறுகிறார்.

பல வழிகளில், அதானி குழுமத்தின் 2.1 பில்லியன் டாலர் மதிப்பிலான சாட்டிலைட் நகரமான நவி மும்பையில் அமையவிருக்கும் இந்த விமானநிலையம் மூலம் சீனாவை மிஞ்சும் முயற்சியை பிரதமர் மோடி முன்னெடுத்துள்ளார். இந்தியாவில் நடைபெற்று வரும் பெரிய உள்கட்டமைப்பு மறுசீரமைப்பின் ஒரு எடுத்துக்காட்டாக இது விளங்கும்.

Story Written by: I.Jayachandran