அதானி பங்குகள் மீது ஷாட்டிங்.. லாபத்தை வாரிசுருட்டி கொண்ட 12 நிறுவனங்கள்..!

அதானி குழுமம் மீதான ஹிண்டன்பர்க் ரிசர்ச் அறிக்கையை தொடர்ந்து இந்திய பங்குச்சந்தை பெரிய அளவிலான பாதிப்பை அடைந்தது மட்டும் அல்லாமல் அதானி பங்குகள் மீது ஷாட்டிங் செய்து பலர் அதிகப்படியான லாபத்தை பெற்றனர்.

இதுகுறித்த விசாரணையை அமலாக்க துறை செய்தது, அதானி பங்குகள் மீது ஷாட்டிங் செய்து 12க்கும் அதிகமான வெளிநாட்டு போர்ட்போலியோ முதலீட்டாளர்கள் மற்றும் வெளிநாட்டு நிறுவன முதலீட்டாளர்களும் அதிகப்படியான லாபத்தை அடைந்துள்ளனர் எனவும், இவர்கள் அனைவரும் வரி சலுகை நிறைந்த நாடுகளில் இருப்பவர்கள் என்றும் கண்டுப்பிடித்து அமலாக்க துறை, செபியிடம் அறிக்கை சமர்பித்துள்ளது.

ஷாட் செல்லிங் என்பது ஒரு நிறுவனத்தின் பங்கு விலை குறையும் என்று பந்தையம் கட்டி அதன் மூலம் லாபம் பெறுவது, ஹிண்டன்பர்க் ரிசர்ச் அறிக்கை வெளிவந்த உடனேயே பல பெரும் முதலீட்டாளர்கள் அதானி பங்குகளை ஷாட்டிங் செய்தனர். சில குறைந்த எண்ணிக்கையிலான முதலீட்டாளர்கள் ஹிண்டன்பர்க் ரிசர்ச் அறிக்கை வெளியாவதற்கு முன்பாகவே அதானி பங்குகளை ஷாட்டிங் செய்தாக கூறப்பட்டது குறிப்பிடத்தக்கது.

இந்த நிலையில் மத்திய அரசு கட்டுப்பாட்டின் கீழ் இருக்கும் அமலாக்க துறை செய்த ஆய்வில் சில ஷாட் செல்லர்கள் ஹிண்டன்பர்க் ரிசர்ச் அறிக்கை வெளியான ஜனவரி 24 ஆம் தேதிக்கு 2-3 நாட்கள் முன்பாகவே இக்குழும பங்குகள் மீது ஷாட் செய்துள்ளனர் என ஜூலை மாதம் செபி அமைப்பிற்கு சமர்பித்த அறிக்கையில் அமலாக்க துறை தெரிவித்துள்ளது.

செபியிடம் பதிவு செய்யப்பட்ட உள்நாட்டு முதலீட்டாளர்கள், வெளிநாட்டு போர்ட்போலியோ முதலீட்டாளர்கள் மற்றும் வெளிநாட்டு நிறுவன முதலீட்டாளர்களும் தங்களுடைய முதலீட்டை பாதுகாக்க சந்தையின் ரிஸ்க் பாதிப்புகளை குறைக்க ஷாட் பொசிஷன் எடுக்க அனுமதிக்கிறது. அப்படி அமலாக்க துறை ஆய்வில் லாபம் அடைந்ததாக கூறப்படும் 12 நிறுவனங்களில்...

3 இந்தியாவை சேர்ந்தது, 4 மொரிஷியஸ் நாட்டை சேர்ந்தது. பிரான்ஸ், ஹாங்காங், கேமன் தீவுகள், அயர்லாந்து மற்றும் லண்டன் ஆகியவற்றில் இருந்து தலா ஒரு நிறுவனம் அதானி குழும பங்குகள் மீது ஷாட்டிங் செய்து பெரிய அளவிலான லாபத்தை பார்த்துள்ளது என அமலாக்க துறை, செபி-யிடம் சமர்ப்பித்த அறிக்கையில் தெரிவித்துள்ளது.